11:03 14 հոկտեմբերի 2019
Ուղիղ եթեր
  • USD476.73
  • GBP596.06
  • EUR525.36
  • RUB7.42
ՀԱՄՈՎ ՀԱՅԱՍՏԱՆ

Համով Հայաստան․ արցախցիների ճաշատեսակը նվաճել է նաև Եգիպտոսը

Ստանալ կարճ հղումը
30610

Հայաստանում տարածված «Արցախի հագանի» ճաշատեսակը ոչ մեկին անտարբեր չի թողնի։ Համեմունքների, սխտորի և մանր կտրատած ընկույզի բույրը՝ հավի մսի և չրերի համադրությամբ, անկրկնելի տպավորություն է թողնում։

Բաղադրատոմսը գրել են արցախցիները, այստեղից էլ անվանումը՝ «Արցախի հագանի», Sputnik Արմենիայի թղթակցի հետ զրույցում ասաց Սեդրակ Մամուլյանի խոհարարական ստուդիայի խոհարար Աննա Մաթևոսյանը։

«Ճաշատեսակը ցածր կալորիականություն ունի, հեշտ է պատրաստվում` կարելի է պատրաստել գրեթե կես ժամում և դրանով զարմացնել հյուրերին։ Ի դեպ, այս բաղադրատոմսը վերածնունդ է ապրում, այն արդեն կարելի է տեսնել մայրաքաղաքի որոշ ռեստորաններում, որոնք մասնագիտանում են աուտենտիկ խոհանոցի վրա», - ասաց Մաթևոսյանը։

Նա նշեց, որ «Արցախի հագանին» ընդունված է պատրաստել հենց ամռանը։ Մաթևոսյանը հիշեցրեց, որ հենց այս ճաշատեսակն է ապրիլին հաղթել «Լավագույն ազգային ճաշատեսակ» անվանակարգում Եգիպտոսում կայացած Culinary Taste of Culture միջազգային ցուցահանդեսում։

«Արցախի հագանի» պատրաստելու համար օգտագործում են հավի միս, չամիչ, կարագ, հոնի չիր, սամիթ, ալյուր, աղ, պղպեղ, «Աշտարակ» սոուս։

Կտրատում ենք հավի միսը և մանրացնում կանաչին։ Թավայի մեջ կարագ ենք դնում և մի թեթև տապակում հավը։ Ավելացնում ենք աղ, պղպեղ, չամիչ, չիր և տապակում այնքան մինչև կարմրի։ Ավելացնում ենք կանաչի, «Աշտարակ» սոուս, ալյուր և մի քիչ ջուր։ Հավը եփում ենք մինչև պատրաստվելը։ Մատուցում ենք՝ զարդարելով բալզամիկ սոուսով։

Բարի ախորժակ։

Ըստ թեմայի

Համով Հայաստան. խոհարարական շոկ կապրեք. «Գառան վզի» պատրաստման գաղտնիքը
Համով Հայաստան․ այս ապուրն անպայման պետք է պատրաստել «Ջանգյուլումի» տոնին
Համով Հայաստան. այսպիսի տոլմա չեք համտեսել. ավանդական ուտեստը ոչ ավանդական բաղադրատոմսով
թեգերը:
Եգիպտոս, Արցախ, Հայաստան

Այլ տեսանյութեր

Գլխավոր թեմաներ