13:54 23 հունվարի 2018
Ուղիղ եթեր
Պատանի ալպինիստ

Արցախի դպրոցականներին նոր բարձունքներ ցույց կտան. ալպինիստները կօգնեն այդ հարցում

Из архива 4 Peaks Alpine Club
Զբոսաշրջություն
Ստանալ կարճ հղումը
17 0 0

Արցախյան դպրոցների աշակերտները կկարողանան ալպինիստների հմտություններ յուրացնել, ժայռամագլցման դասեր ստանալ և իմանալ` ինչ է լեռնային զբոսաշրջությունը։

ԵՐԵՎԱՆ, 12 հունվարի — Sputnik. Հայաստանի ալպինիզմի և լեռնային տուրիզմի հայկական ֆեդերացիան հունվարին գործնական դասընթացներ կանցկացնի արցախյան դպրոցականների համար։ Այդ մասին Sputnik Արմենիային տված հարցազրույցում ասաց Հայաստանի ալպինիզմի և լեռնային տուրիզմի հայկական ֆեդերացիայի փոխնախագահ Սուրեն Դանիելյանը։

«Մեր մասնագետները Արցախ կայցելեն հունվարի 19-ից 20-ը, որպեսզի այնտեղ դպրոցականների հետ հատուկ դասընթացներ անցկացնեն։ Դասընթացների շրջանակում սովորողներին կպատմեն, թե ինչ են զբոսաշրջությունն ու ալպինիզմը։ Մեզ հետ կապ են հաստատել Արցախի աշակերտների հետ պարապող ուսուցիչներն ու ալպինիստները», — ավելացրեց Դանիելյանը։

Ղարաբաղում, ըստ նրա, հետաքրքրված են արշավներով, ժայռամագլցմամբ, այդ պատճառով ուսուցիչները դիմել են Հայաստանի ալպինիզմի և լեռնային տուրիզմի հայկական ֆեդերացիային, որպեսզի հատուկ դասընթացներ անցկացնեն։

  • Պատանի ալպինիստ
    Պատանի ալպինիստ
    Из архива 4 Peaks Alpine Club
  • Պատանի ալպինիստ
    Պատանի ալպինիստ
    Из архива 4 Peaks Alpine Club
  • Պատանի ալպինիստ
    Պատանի ալպինիստ
    Из архива 4 Peaks Alpine Club
1 / 3
Из архива 4 Peaks Alpine Club
Պատանի ալպինիստ

«Մենք նաև հանդերձանք կնվիրենք նրանց։ Այս պահին միայն Հայաստանի ալպինիզմի և լեռնային տուրիզմի հայկական ֆեդերացիայի մասնագետներն են գնում, իսկ հետագայում Արցախի դպրոցականներին կայցելի նաև պրոֆեսիոնալ դահուկորդների, հեծանվորդների, պարապլաներիստների ու ժայռամագլցողների խումբը», — նշեց Դանիելյանը։

Նրա խոսքով` ցավոք, Արցախի դպրոցականները դեռ չեն կարողանում Հայաստան գալ ֆինանսական խնդիրների պատճառով։

«Պետք է լուծել տրանսպորտի և կեցության հարցը։ Մենք կփորձենք հաղթահարել այդ խնդիրները, որպեսզի դպրոցականները կարողանան գալ մեզ մոտ։ Չէ՞ որ գարնանն ու ամռանը մենք որոշել էինք շատ հետաքրքիր համատեղ ծրագիր իրականացնել. երեխաները կկարողանան ամբողջ օրը մասնակցել հեծանվորդների, ալպինիստների, ժայռամագլցողների գործնական դասընթացներին», — ասաց նա։

Դանիելյանը նշեց, որ Արցախը լեռնամագլցման և ժայռամագլցման հիանալի հնարավորություններ ունի։

Գլխավոր թեմաներ