ԵՐԵՎԱՆ, 30 ապրիլի — Sputnik. 2018 թվականի հունվար–մարտ ամիսներին տուրիստական այցելությունների թիվն աճել է 16,1%–ով` նախորդ տարվա նույն ժամանակահատվածի համեմատ։ Այս մասին Sputnik Արմենիայի հետ զրույցում ասաց Հայաստանի զբոսաշրջության կոմիտեի փոխնախագահ Մեխակ Ապրեսյանը։
Նա ընդգծեց, որ նշված ժամանակահատվածում Հայաստան է այցելել 346 հազար 458 զբոսաշրջիկ, իսկ 2017 թվականին 298 հազար 413 մարդ։
«Հայերն ապացուցեցին աշխարհին, որ կարող են բողոքի խաղաղ ակցիաներ անցկացնել ու իրենց արժանապատվորեն պահել։ Հայաստանի զբոսաշրջության կոմիտեն անում են ամեն ինչ, զբոսաշրջիկների գրավելու համար։ Սակայն այս ամենը տեղի է ունենում մասնավոր սեկտորի ու Հայաստանի հյուրընկալ ժողովրդի օգնությամբ», –ասաց Ապրեսյանը։
Նա հիշեցրեց, որ մայիսի 4–5–ը Հայաստանի մայրաքաղաքում «Երևանի Գինու Օրեր» փառատոնը կանցկացվի երկրորդ անգամ։ Պետական կոմիտեի ներկայացուցիչը հավելեց, որ նախորդ տարի միջոցառումը շատ լավ էր կազմակերպված, ու ամեն ինչ հիանալի անցավ»։
«Ըստ ավանդույթի` այդ միջոցառումը տեղի կունենա Սարյանի փողոցի վրա։ Փողոցը երթևեկելի չի լինի այդ օրերին։ Միջոցառմանը հայ գինեգործները կներկայացնեն իրենց արտադրանքը` տնական ու գործարանային գինին։ Այցելուները կարող են տարբեր գինիներ փորձել ու գնել հավանած ըմպելիքները», – ասաց Sputnik Արմենիայի զրուցակիցները։
Խոսելով գինեգործության ոլորտի այլ ձեռքբերումների մասին նա նշեց, որ ապրիլի 11–ին Հայաստանը մասնակցել է Գինու զբոսաշրջության միջազգային գիտաժողովին։ Ապրեսյանի խոսքով` միջոցառումների կազմակերպիչների հետ պայմանավորվածություններ են ձեռք բերվել, և նրանք Հայաստան կայցելեն։
«Նրանց հետ կքննարկվի Միջազգային գիտաժողովը մեր երկրում անցկացնելու հարցը։ Բացի այդ` Մետաքսե ճանապարհով Միավորված ազգերի համաշխարհային զբոսաշրջային կազմակերպության ծրագրի շրջանակում Հայաստանը զարգացնելու է «Գինու զբոսաշրջությունը Մետաքսե ճանապարհին» նախագիծը», – հավելեց Ապրեսյանը։
Զբոսաշրջության ոլորտի ներկայացուցիչները գինու զբոսաշրջության զարգացման ակտիվ աշխատանքներ են տանում, հենց այդ պատճառով արտասահմանյան հյուրերի են կանչում «Երևանում գինու օրերին», Արենիում ու Արցախում գինու փառատոներին։
