03:41 22 օգոստոսի 2018
Ուղիղ եթեր
  • USD482.76
  • GBP618.95
  • EUR556.14
  • RUB7.17
Ջերմուկի ջրվեժը

Որտե՞ղ է թանկարժեք Ծաղկաձորի ու Ջերմուկի այլընտրանքը. ճանապարհորդի խորհուրդները

© Sputnik / Aram Nersesyan
Զբոսաշրջություն
Ստանալ կարճ հղումը
19420

Աշխարհագրագետ ճանապարհորդը կարծում է, որ Հայաստանը մեծ զբոսաշրջային ներուժ ունի, որն անհրաժեշտ է ճիշտ կիրառել։

ԵՐԵՎԱՆ, 10 օգոստոսի — Sputnik. Ամռանը Մարմարիկ գետի հովիտը կարող է լուրջ այլընտրանք լինել Ծաղկաձորին, որը հայտնի է ոչ միայն իր տեսարժան վայրերով,  այլև համեմատաբար թանկ գներով։

Sputnik Արմենիայի հետ զրույցում այսպիսի կարծիք հայտնել աշխարհագրագետ ու ճանապարհորդ Տիգրան Բաբայանը։

Հովտում բազում հանքային աղբյուրներ կան, լանդշաֆտի գեղեցիկ է, կան բնական տարբեր հուշարձաններ ու գետ, որի ափերը կարելի է զբոսաշրջային նպատակներով օգտագործել, կարծում է նա։

«Շատ կարևոր է, որ այնտեղ զարգացած ենթակառուցվածք կա, գիշերակացի համար պայմաններ ու բազում զվարճալիքներ կան», – ընդգծեց ճանապարհորդը։

Դա միակ գեղատեսիլ վայրը չէ, որի մասին մարդիկ անտեղյակ են։ Նրա խոսքով` Հայաստանում ավելի քան 20 հազար բնության հուշարձան կա, սակայն դրա մի մասը մարդկանց նեղ շրջանակին է  հայտնի։ Հայաստանն այն երկրներից է, որը կարող է ամբողջ տարվա ընթացքում զբոսաշրջիկների գրավել ու ստիպել նրանց վերադառնալ ամեն տարի։ Այդ համատեքստում նա կարևորեց նոր զբոսաշրջային ուղղությունների հայտնաբերման ռազմավարության մշակումը, ինչով, նրա պնդմամբ, այժմ զբաղվում է Զբոսաշրջության պետական կոմիտեն։

Ճանապարհորդն ընդգծեց, որ առաջնային ուղղություններ կարող են դառնալ էկոտուրիզմը, գաստրո ու էնոտուրիզմը (գինու զբոսաշրջությունը), էքստրեմալ զբոսաշրջությունն ու ձմեռային մարզաձևերը։ Վերջինը, նրա կարծիքով, պետք է սիրողական մակարդակից հասնի պրոֆեսիոնալի ու լուրջ եկամուտ բերի։ Ձմեռային հանգստի զարգացման համար նա առանձնացրել է Ծախկաձորը, Ջերմուկն ու Լոռին։

Նշենք, որ 2017թ.–ին զբոսաշրջիկների հոսքը Հայաստան ավելացել է 18,7 տոկոսով։ Աճն ապահովվել է Ռուսաստանից, Իրանից, Արևելյան Եվրոպայից և այլ երկրներից եկած զբոսաշրջիկների հաշվին։

Այս տարվա համար պաշտոնական վիճակագրություն դեռ չկա, սակայն գործակալությունները նշում են, որ զբոսաշրջիկների հոսքը պակասել է։

Ըստ թեմայի

Խնդրահարույց զբոսաշրջություն. հայերը 200 դոլար են վճարում, վրացիների համար անվճար է
Ինչպես են հայերն ուզում զարգացնել գիտական զբոսաշրջությունը
«Անաստված» զբոսաշրջություն Հայաստանում. Գառնու կողքին հյուրանոց կհայտնվի՞
Թե ինչպես գաճաճային Ադրբեջանը խթանեց Արցախի զբոսաշրջությունը
Էքստրեմալ զբոսաշրջություն. Discovery–ն հիացել է Ենոքավանի զիփլայնով
թեգերը:
Հայաստան

Գլխավոր թեմաներ