05:32 19 ապրիլի 2019
Ուղիղ եթեր
  • USD482.85
  • GBP628.24
  • EUR543.25
  • RUB7.54
Իրանէն ժամանած զբօսաշրջիկները

Նովրուզ Պայրամ եւ լայք հայերուն. ինչպէ՞ս իրանցի երիտասարդները կը զուարճանան Երեւանի մէջ

© Sputnik / Laura Sarkisian
Զբոսաշրջություն
Ստանալ կարճ հղումը
Sputnik Արմենիան` արևմտահայերենով (98)
408 0 0

Հայաստան հիանալի երկիր է ճանապարհորդութեան համար, ուր կարելի է հետաքրքիր տեսարժան վայրեր տեսնել, ինչպէս նաեւ լաւ ժամանակ անցնել: Ատով համոզուած են Իրանէն ժամանած զբօսաշրջիկները, որոնք այստեղ կը տօնեն Նովրուզ Պայրամը:

Լաուրա Սարգսեան, Sputnik  Արմենիա

Ընկերներ Մեհմետ Միհմանին, Մեհմետ Միճապին եւ Մուհամետ Մեհմանին Հայաստան  ժամանած են երկու օր առաջ: Տղաները որոշած են «լաւ մը զուարճանալ» իրենց համար արդէն հարազատ դարձած Երեւանի մէջ: Մենք անոնց հետ ծանօթացանք Երեւանի կեդրոնական փողոցներէն մէկուն` Ամիրեանի վրայ:

«Ընկերներուս հետ, ի դէպ որոնցմէ մէկը` Մուհամետը, Իրան ծնած ատրպէյճանցի է, Հայաստան  եկած ենք, մեր տօնին` Նովրուզին», – Sputnik  Արմենիայի հետ զրոյցին ըսաւ Մեհմետ:

Հայաստան  եկած են հանրակառքով եւ այդ պատճառով կ’ընդգծեն, որ երկրի ճանապարհները վատ են: Սակայն հայերու հիւրընկալութիւնը, բնավայրն ու տեսարժան վայրերը կը հարթեն այս փոքրիկ թերութիւնը, կ’ընդգծէ Մեհմետ:

Туристы на площади Республики
© Sputnik / Laura Sarkisian
Իրանցի զբօսաշրջիկները Հանրապետութեան հրապարակին վրայ

Անոր հետ մենք անգլերէն կը զրուցէինք, Մուհամետը դժուար կը հասկնար զրոյցի էութիւնը, սակայն Հայաստանի եւ հայերու մասին հարցին ի պատասխան կարճ ժպտեցաւ եւ բարձրացուց բութ մատը:

Մենք բաժնուեցանք Իրանէն ժամանած ընկերներէն եւ առաջ շարժեցանք ծանօթանալու միւս հարեւաններուն հետ, որոնք Հայաստան  եկած էին տօնելու իրանական Նոր տարին:

Հանրապետութեան հրապարակի եւ մայրաքաղաքի յայտնի շատրուաններու մերձակայքին մէջ սովորականէն աւելի մարդաշատ էր: Մարդոց հոսքին կը նպաստէին նաեւ վառ գարնանային արեւն ու տաք եղանակը` 14 աստիճան տաքութիւն: Հրապարակին մօտ օտարերկրացիներու եւ տեղի բնակիչներուն մէջ, մեր ուշադրութիւնը գրաւեց իրանցի զոյգ մը:

Касра Чавуши с супругой Саха Чавуши из Ирана
© Sputnik / Laura Sarkisian
Գասրա Չաւուշին կնոջ` Սախայի հետ

Գասրա  Չաւուշին  կնոջ` Սախայի հետ, անոնք փողոցային երաժիշտներ են: Արդէն 5 ամիս է, որ կ’երգեն Երեւանի տարբեր փողոցներու մէջ եւ այդպէս գումար կը վաստակեն:

«Հայաստան մեզի  համար նոր փուլ  դարձած է: Այսօր  հրապարակին վրայ կը նուագենք, վաղը` մէկ այլ տեղ», – Sputnik  Արմենիայի թղթակիցին հետ զրոյցին ըսաւ Չաւուշին:

Զոյգը Հայաստանը կը սիրէ, սակայն անոնք արդէն կարօտցած են տունը եւ որոշած  քանի մը ամիս յետոյ Իրան վերադառնալ. պայմանով, որ կը վերադառնան իրենց համար երկրորդ տուն դարձած Երեւան:

Հանրապետութեան հրապարակն ու գարնանային արեւի տակ շողշողացող շատրուանները ամէնէն շատ հաւնած է Իրանէն ժամանած երիտասարդ ընտանիքը` Ֆարիտ Շարաֆին, անոր կինը ու անոնց 6 տարեկան որդին:

Իրանցի ընտանիքը Հայաստան  ժամանած է երէկ եւ տպաւորուած է Երեւանի մթնոլորտով: Անոնք մեծ ծրագիրներ ունին մեր երկրին մէջ:

«Կ’ուզենք տեսնել յայտնի Սեւանայ լիճը, համտեսել ձեր «ժենգեալով հացը» եւ Էջմիածին այցելել», – խոստովանեցաւ Շարաֆին:

Զոյգն առաջին անգամ Հայաստան կու գայ, սակայն արդէն հաճելիօրէն զարմացած է հայկական հիւրընկալութեամբ:

Семья Шарафи из Ирана на площади Республики
© Sputnik / Laura Sarkisian
Ֆարիտ Շարաֆիի ընտանիքը

Ամէնէն շատ անոնց  կը զարմացնէ, որ իրենց ուրախ  ընդունած են, բոլորը կը ժպտին, կը բարեւեն, իսկ երբ կ’իմանան, որ զբօսաշրջիկ են, ամէն կերպ կը ջանան օգնել:

Այս դրական մթնոլորտին մէջ յաջողութիւն մաղթեցինք Շարաֆիի ընտանիքին եւ գացինք ծանօթանալու ուրիշ  իրանցիներու հետ...

Ի դէպ, Նովրուզը Նոր տարին է արեւային օրացոյցով: Իրանի բոլոր քաղաքներուն մէջ եւ բնակչութեան բոլոր հասարակական  խաւերուն մօտ  տարբեր կերպ կը տօնեն: Իրանցիներն այն կը տօնեն մարտ 21-էն:

Իրանը վերջին  քանի մը տարիներուն առաջատար դիրք կը զբաղեցնէ Հայաստան այցելած քաղաքացիներու թիւով:

թեմա:
Sputnik Արմենիան` արևմտահայերենով (98)

Ըստ թեմայի

«Վերածնունդ» աւանն այսպիսի տեսք կ’ունենայ. Քարամեանը լուսանկարներ հրապարակած է
ԱՄՆ պետական քարտուղարը մոմ վառած է Երուսաղէմի Ս. Յարութեան տաճարի հայկական բաժինին մէջ
Բժշկական հրաշք. գանգուղեղի ծանր վնասուածքով երկու տարեկան Նարեկի փրկութեան պատմութիւնը
Կազմողական վիրաբուժութեան 1-ին փրոֆէսորը. ինչպէ՞ս հայ բժիշկը Հարվըրտի մէջ հռչակաւոր դարձաւ
«Ֆանտաստիկ երկիր է». Ինչո՞ւ իտալացին կը ցանկայ որդին մեծցնել Հայաստանի մէջ
թեգերը:
Հայաստան, Երևան, Իրանի Իսլամական Հանրապետություն

Գլխավոր թեմաներ