16:15 21 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Խորովածի փառատոն Ախթալայում

«Գազպրոմի» և ՀԿԵ–ի աշխատակիցներին ցույց կտան, ինչպես հանգստանալ Հայաստանում

© Sputnik / Aram Nersesyan
Զբոսաշրջություն
Ստանալ կարճ հղումը
174 0 0

Հայաստանցիներին և ռուսաստանցիներին կպատմեն, ինչպես է ավելի լավ միմյանց հյուր գնալ։ Համատեղ իրազեկություն են իրականացնելու երկու երկրների զբոսաշրջային գերատեսչությունները։

ԵՐԵՎԱՆ, 10 ապրիլի — Sputnik. Ռուսական հիմնարկների և ձեռնարկությունների աշխատակիցներին կծանոթացնեն Հայաստանում հանգստի հնարավորություններին։ Իսկ հայ զբոսաշրջիկներին ցույց կտան այն ամենը, ինչով հարուստ է Ռուսաստանը հյուրերի համար։ Զբոսաշրջության ոլորտում համագործակցության մասին հայ–ռուսական նոր համաձայնագիրը կողմերը ստորագրել են ապրիլի 4-ին Մոսկվայում՝ Հայ–ռուսական միջկառավարական հանձնաժողովի նիստում։

Այս մասին Sputnik Արմենիայի, Արմենպրեսի, ինչպես նաև Հ1 հեռուստաալիքի թղթակիցների հետ զրույցում հայտնեց ՀՀ տնտեսական գարգացման և ներդրումների նախարարի տեղակալ Ալբերտ Բաբայանը։

Հայաստանի զբոսաշրջության պետական կոմիտեն և «Ռուստուրիզմ» դաշնային գործակալությունը տեղեկություն կփոխանակեն  շուկայի և այն ռազմավարությունների մասին, որոնք կիրառում են մասնավոր տուրօպերատորները։ Իսկ նրանց կօգնեն անմիջական հանդիպումներ ունենալ։

Այն մասին, թե որտեղ կարելի է միմյանց հյուրընկալվել, զբոսաշրջիկներին ավելի մանրամասն կպատմեն տուրօպերատորներն ու մամուլը. նրանց համար փոխադարձ ուղևորություններ կկազմակերպեն, անհրաժեշտ տեղեկություններ կտրամադրեն և՛ պետական հաստատություններին, և՛ ձեռնարկություններին, ինչպես նաև մասնավոր ընկերություններին։

«Ռոստուրիզմը» կտարածի Հայաստան ուղևորությունների մասին տվյալները ՌԴ պետական գերատեսչությունների և մասնավոր ընկերությունների շարքում։ Եվ, իհարկե, պետական ընկերությունների` ինչպես «Գազպրոմը» կամ ՀԿԵ–ն։ Հայկական առողջարանները կամ  հանգստյան տները պետպատվերով ռուսական տուրփաթեթների մեջ չեն ներառվում։ Սակայն «Ռոստուրիզմը» կներկայացնի ողջ մանրամասն տեղեկությունը նրանց համար, ովքեր կցանկանան Հայաստան այցելել ինքնուրույն։ Ցանկացողներ արդեն շատ կան, համոզված ենք, կլինեն ավելի շատ», – նշեց Բաբայանը։

Իր կողմից տեղեկություն կտրամադրի և հանրությանը կիրազեկի նաև ՀՀ  զբոսաշրջության պետական կոմիտեն։

Նշենք, որ Հայաստան ուղևորությունների զգալի մասը նախկինի պես բաժին է հասնում  Ռուսաստանին (այդ թվում Ռուսաստանում ապրող հայերի հաշվին)։

Իսկ 2017 թվականից ռուսաստանցիները օդային թռիչքների պարագայում կարող են Հայաստան գալ ներքին անձնագրերով։ Ցամաքային ուղևորությունների դեպքում արտասահմանյան անձնագրերը պահանջվում են, քանի որ  Հայաստան հասնելու համար պետք է հատել Վրաստանը։

Ըստ թեմայի

CNN Travel–ը ճանապարհորդներին խորհուրդ է տվել մեկնել Հայաստան
Ոչ մի բառ քաղաքականությունից. բլոգեր Լապշինը բացահայտում է Գյումրու կոլորիտը
Ո՞ր երկրների քաղաքացիներն են ավելի շատ գալիս Հայաստան
Ինչու է ռուսաստանցի զբոսաշրջիկներին գրավում հատկապես Հայաստանը. պատճառները 5-ն են
Կյանքը Հայաստանի սահմանամերձ գյուղերում, կամ նոր իրականություն` Բերքաբեր այցից հետո
Ուզո՞ւմ ես անվճար գիշերել ավտոբուս-հոսթելում, բողոքիր Google-ին. արցախյան նոր տուրիզմը
թեգերը:
Ռուսաստան, Հայաստան

Գլխավոր թեմաներ