21:51 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Սյուժեներ
  • Գագիկ Ծառուկյան
    Last update: 15:34 10.07.2020
    17:36 15.06.2020

    Գագիկ Ծառուկյանի շուրջ ծավալված իրադարձությունները

    Հունիսի 14-ին Ազգային անվտանգության ծառայությունը խուզարկություն իրականացրեց ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկյանի առանձնատանը։ Այնուհետև ԱԱԾ-ն երեք հաղորդագրություն տարածեց, համաձայն որոնց` երեք առանձին դեպքի առնչությամբ քրեական գործեր են հարուցվել։ Դրանից հետո Գագիկ Ծառուկյանը հրավիրվեց ԱԱԾ` նշված գործերով հարցաքննության։ Այդ ընթացքում ԱԱԾ գլխավոր մասնաշենքի մոտ հավաքվեցին բազմաթիվ քաղաքացիներ, ինչպես նաև «Բարգավաճ Հայաստան» խմբակցության պատգամավորները։ Ուշ երեկոյան Ոստիկանությունը հայտնեց, որ բերման են ենթարկել 252 մարդու (վարչական ձերբակալում)։

  • Last update: 08:28 06.07.2020
    18:18 05.06.2020
  • Սովետական զինվորները Բեռլինում
    Last update: 18:27 07.07.2020
    00:16 01.05.2020

    Հայրենական մեծ պատերազմի հաղթանակի 75–ամյակը

    Հայրենական մեծ պատերազմը ծավալվել է 1941-1945 թվականներին։ Նացիստական Գերմանիան և նրա դաշնակիցները (Իտալիա, Հունգարիա, Ռումինիա, Ֆինլանդիա, 1945 թվականից նաև Ճապոնիա) առանց նախապես հայտարարելու հարձակվել են Խորհրդային Միության վրա.կազմել է Երկրորդ համաշխարհային պատերազմի մասը։ Հայրենական մեծ պատերազմը եզրը հիմնականում օգտագործվում է նախկին Խորհրդային Միության երկրներում։

    Այս պատերազմը 1945 թվականի մայիսի 9–ին ավարտվել է Խորհրդային Միության հաղթանակով։

    Հայերը ԽՍՀՄ ժողովուրդների շարքում չորրորդն էին բանակի և ռազմածովային նավատորմի գեներալների ու ծովակալների, ռազմաօդային ուժերի, հրետանային զորքերի սպաների կազմում և վեցերորդ տեղում էին ԽՍՀՄ հերոսների ցանկում: Հայ ժողովրդի զոհերի և հերոսների թիվը համեմատելով այդ տարիների Հայկական ԽՍՀ բնակչության թվի հետ, ի հայտ է գալիս, որ հայերն առաջատարն էին նախկին ԽՍՀՄ-ում: Հայազգի 1 զորահրամանատար զբաղեցնում էր ռազմաճակատի հրամանատարի պաշտոնը (Հովհաննես Բաղրամյան), 3-ը` բանակի, 6-ը` կորպուսի, 28-ը` դիվիզիայի, 100-ը` բրիգադի ու գնդի հրամանատարներ էին: 80 հազար հայ պարգևատրվել է մեդալներով ու շքանշաններով, որոնց թվում բոլոր հայազագի գեներալներն ու ծովակալները՝ առանց բացառության:

  • Գավառ
    Last update: 12:15 14.05.2020
    13:46 29.04.2020

    Դաժան սպանություններ և վենդետա Գավառում

    2020թ.–ի ապրիլի 28–ին Գավառում կրակոցներ էին հնչել, ինչի հետևանքով երկու մարդ մահացել էր, իսկ 4–ը տեղափոխվել էին հիվանդանոց։

    Այնուհետև գիշերը հայտնի դարձավ, որ որոշ մարդիկ մտել են Գավառի հիվանդանոց ավերածությունենր արել այնտեղ և վիրավորներից երկուսին վնասել։

    Դեպքի վայրում հայտնաբերվել է Lada մակնիշի 91 XX 100 համարանիշի ավտոմեքենա, որի վրա եղել են կրակոցի հետքեր, ինչպես նաև Niva մակնիշի 23 ՍL 354 համարանիշի ավտոմեքենա, որի վրա նույնպես եղել են հետքեր:

    Ոստիկաններն ու քննիչներն աշխատում էին մի քանի վարկածի ուղղությամբ, այդ թվում՝ վենդետայի՝ կապված տարիներ առաջ Գավառում Նորատուս գյուղի բնակիչ Հայկ Հակոբյանի սպանության հետ: Վերջինիս հայրը Գեղարքունիքի փոխմարզպետն էր, իսկ նրանց ազգականներն են հանցագործ աշխարհում հայտնի «հեղինակություններ» Նորատուսցի Ալիկը և Արա Բանդուրյանը:

  • Сотрудница кафе в ТЦ Yerevan Mall в маске
    Last update: 22:39 10.07.2020
    10:05 21.03.2020

    Կորոնավիրուսը Հայաստանում և Արցախում

    Հայաստանում կորոնավիրուսի առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ էր, որն Իրանից Հայաստան էր ժամանել փետրվարի 28-ին: Նա արդեն դուրս է գրվել հիվանդանոցից։ Մարտի 11-ին ՀՀ–ում կորոնավիրուսի երեք նոր դեպք հայտնաբերվեց։

    Վարակվածները եկել էին Իտալիայից։ Նրանցից մեկն Էջմիածնի բնակչուհի է և, ըստ լուրերի, գնացել էր Իտալիա` որդու ընտրյալի համար հարսանյաց զգեստ գնելու, այնուհետև Էջմիածնում մասնակցել էր որդու նշանադրությանը։ Դրանից հետո վարակակիրների թիվը սկսեց աճել։

    Մարտի 16-ին ՀՀ վարչապետ Նիկոլ Փաշինյանը հայտնեց, որ կորոնավիրուսի դեպք է արձանագրվել նաև Երևանի արտադրական ձեռնարկություններից մեկում։

    Դրանից հետո հաստատված դեպքերի մեծամասնությունը կապված էր հենց այդ արտադրամասի հետ:

    Հայաստանում մարտի 16–ից ապրիլի 14-ը արտակարգ դրություն է հայտարարվել։

    Երեկ ԱԺ–ն առաջին ընթերցմամբ ընդունեց մեկուսացման պահանջի խախտումը քրեականացնող օրինագիծը։

  • Չինաստան
    Last update: 09:59 11.07.2020
    13:19 31.01.2020

    Կորոնավիրուսը Չինաստանում և աշխարհում

    2019 թվականին դեկտեմբերին Չինաստանի իշխանությունը հայտարարեց Ուհան քաղաքում անհայտ ծագման վարակի տարածման մասին։ Պարզվեց` հիվանդության հարուցիչը նոր տեսակի կորոնավիրուսն է։

    Ենթադրվում է, որ վարակը մարդկանց է փոխանցվել վայրի կենդանիներից։  Գիտականորեն ապացուցվել է, որ փոխանցման հիմնական գործոն են դարձել թեթև նախուտեստները, մասնավորապես՝ ծովամթերքից և օձից պատրաստված։

    Հունվարի 30–ի դրությամբ Չինաստանում ավելի քան 7771 մարդ է վարակվել կորոնավիրուսով, գրանցվել է մահվան 170 դեպք: ՀՀ արտաքին գործերի նախարարությունը, ՉԺՀ-ում ՀՀ դեսպանությունը, ՀՀ առողջապահության նախարարությունը և ոլորտի մասնագիտացված մարմինները շարունակաբար հետևում են իրավիճակի զարգացմանը։ Նրանք կապի մեջ են միջազգային կազմակերպությունների, ինչպես նաև Չինաստանի իշխանությունների և այլ գործընկեր երկրների հետ: Իրականացվում է անհրաժեշտ տեղեկատվության փոխանակում:

  • «Էրեբունի պլազա»
    Last update: 16:16 04.05.2020
    15:41 23.01.2020

    Կրակոցներ Երևանի «Էրեբունի պլազայում»

    Երևանի «Էրեբունի պլազա» հյուրանոցում հունվարի 23–ին կրակոցներ են հնչել։ Ընստ նախնական տեղեկությունների` զինված անձը կամ անձինք մտել են շենք, առաջին հարկում փորձել ճշտել ՀՀ 2–րդ նախագահ Ռոբերտ Քոչարյանի գրասենյակն ու կրակ արձակել։

    Շենքում տեղակայված տարբեր գրասենյակների աշխատակիցներին տևական ժամանակ արգելել են դուրս գալ իրենց աշխատասենյակներից։

    Հիշեցնենք` «Էրեբունի պլազա» բիզնես կենտրոնում գործում են մի շարք գրասենյակներ, այդ թվում` «5–րդ ալիք» հեռուստաընկերությունն ու ՀՀ երկրորդ նախագահ Ռոբերտ Քոչարյանի գրասենյակը։

  • Глава Конституционного суда Грайр Товмасян у дома, где обнаружено тело Георгия Кутояна (17 января 2020). Еревaн
  • Ղասեմ Սոլեյմանի
    Last update: 13:10 14.01.2020
    13:14 08.01.2020

    Ղասեմ Սոլեյմանիի սպանությունն ու Իրանի և ԱՄՆ–ի հակամարտությունը

    2020 թ.–ի հունվարի 2-ի, լույս 3-ի գիշերը ԱՄՆ–ն Բաղդադի միջազգային օդանավակայանի շրջակայքում գործողություններ էր իրականացրել Սուլեյմանիի և իրաքյան շիական աշխարհազորի ղեկավարի տեղակալ Աբու Մահդի ալ Մուհանդիսի դեմ։ Վաշինգտոնում համարում են, որ նրանք առնչություն ունեն 2019 թվականի դեկտեմբերի 31-ին Բաղդադում ամերիկյան դեսպանատան վրա իրագործված հարձակման հետ։

    62-ամյա գեներալ Ղասեմ Սուլեյմանին սպանվել էր։

    Սուլեյմանիին ազգային հերոսի պես են հուղարկավորել։ Նման արարողություն երկրում չէր եղել 1989 թվականից ի վեր, երբ հողին էին հանձնել այաթոլա Խոմեյնիին։

    Իսլամական հեղափոխության պահապանների կորպուսը հայտարարել է գեներալ Ղասեմ Սոլեյմանիի սպանության համար ամերիկացիներից վրեժ լուծելու գործողության մեկնարկի մասին։

  • Օնկոլոգիական բաժանմունք
    Last update: 17:00 06.03.2020
    12:19 02.12.2019

    Դու մենակ չես

    Sputnik Արմենիան «Դու մենակ չես» նախագծի շրջանակում ներկայացնում է քաղցկեղը հաղթահարած ու հաղթահարող երեխաների պատմություններ։

    Նախագծի հերոսները City of Smile բարեգործական հիմնադրամի շահառուներն են։ Այն օգնում է երեխաներին հաղթահարել քաղցկեղն ու արյան հիվանդությունները՝ տրամադրելով անվճար բուժում, դեղորայք և սնունդ։

  • Հայաստանի զինանշանն ու ՀԱՊԿ անդամ երկրների դրոշները
    Last update: 14:40 06.07.2020
    15:30 28.11.2019

    Հայաստան և ՀԱՊԿ

    Հավաքական անվտանգության մասին պայմանագիրը ստորագրվել է 1992թ. մայիսի 15-ին Հայաստանի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի ղեկավարների կողմից:

    Հավաքական անվտանգության մասին պայմանագրում առանձնահատուկ կարևորություն ունի վերջինիս 4-րդ հոդվածը, համաձայն որի «եթե անդամ պետություններից որևէ մեկը ենթարկվի ագրեսիայի որևէ պետության կամ պետությունների խմբի կողմից, ապա անդամ պետությունների կողմից դա կհամարվի որպես ագրեսիա սույն Պայմանագրի բոլոր մասնակից պետությունների դեմ:

    Մասնակից պետություններից որևէ մեկի դեմ ագրեսիայի ակտի ի հայտ գալու պարագայում, մնացած մասնակից պետությունները կցուցաբերեն անհրաժեշտ օժանդակություն` ներառյալ ռազմական օգնությունը, նաև կցուցաբերեն օժանդակություն իրենց տրամադրության տակ գտնվող միջոցներով` հավաքական պաշտպանության իրավունքի իրագործման կարգին համապատասխան` համաձայն ՄԱԿ-ի կանոնադրության 51-րդ հոդվածի»:

    Պայմանագրով նաև նախատեսված է խորհրդատվությունների մեխանիզմ` մասնակից պետության կամ մի քանի մասնակից պետությունների անվտանգությունը, տարածքային ամբողջականությունը և ինքնիշխանությունը վտանգող սպառնալիքի դեպքում կամ միջազգային խաղաղությանը և անվտանգությանը սպառնալիքի պարագայում:

    1993թ. սեպտեմբերին Պայմանագրին միացան Ադրբեջանը, Բելառուսը և Վրաստանը: Պայմանագիրն ուժի մեջ մտավ 1994թ. ապրիլի 20-ին 5 տարի ժամկետով: Պայմանագրի երկարաձգման մասին արձանագրությունը 1999թ. ստորագրեցին 6 պետություններ (բացառությամբ Ադրբեջանի, Վրաստանի և Ուզբեկստանի):

    2002թ. մայիսի 14-ին հիմնվել է Հավաքական անվտանգության մասին Պայմանագրի կազմակերպությունը (ՀԱՊԿ): Նույն թվականի հոկտեմբերի 7-ին ստորագրվել է ՀԱՊԿ Կանոնադրությունը: 2004թ. դեկտեմբերի 2-ից Կազմակերպությունն ունի ՄԱԿ ԳԱ դիտորդի կարգավիճակ:

    Հայաստանը Հավաքական անվտանգության մասին պայմանագրի կազմակերպության հիմնադիր անդամ է: Անդամակցությունը ՀԱՊԿ-ին Հայաստանի անվտանգության ապահովման բաղադրիչներից մեկն է։

  • Армен Дулян
    Last update: 22:44 10.07.2020
    13:16 31.10.2019
  • Վազգեն Սարգսյան
    Last update: 13:55 05.02.2020
    14:26 27.10.2019

    «Հոկտեմբերի 27». ահաբեկչություն, դատավարություն

    1999թ.-ի հոկտեմբերի 27-ին հանցախումբը` Նաիրի Հունանյանի գլխավորությամբ,  ՀՀ ազգային ժողովի նիստերի դահլիճում սպանել էր ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:

    Հարուցված քրեական գործի նախաքննությունը տևեց 1.5 տարի, դատավարությունը` 2.5։

    2003թ–ին ավարտված դատավարության արդյունքում դատարանը որոշեց Նաիրի Հունանյանին, նրա եղբորը` Կարեն Հունանյանին, նրանց քեռուն` Վռամ Գալստյանին, ինչպես նաև Դերենիկ Բեջանյանին, Էդիկ Գրիգորյանին, Նորայր Եղիազարյանին ու Աշոտ Կնյազյանին դատապարտել ցմահ, Համլետ Ստեփանյանին` 14 տարվա ազատազրկման։

    Հանցագործությանը հաջորդած 20 տարվա ընթացքում խմբի 8 անդամներից 4-ը մահացան տարբեր հանգամանքներում։

  • WCIT համաժողով
    Last update: 08:54 10.10.2019
    12:33 08.10.2019

    WCIT համաշխարհային համաժողովը Երևանում

    Երևանում մեկնարկել է WCIT 2019 տեղեկատվական տեխնոլոգիաների համաշխարհային համաժողովը։ WCIT 2019-ը նվիրված է «Ապակենտրոնացման ուժը․ հեռանկարներ և ռիսկեր» թեմային։

    Մասնակցության համար Հայաստան են ժամանել ավելի քան 20 երկրների նախարարական պատվիրակություններ` ավելի քան 2000 մասնակիցներով։ 23 պատվիրակություններ կժամանեն ոլորտային նախարարների գլխավորությամբ, այդ թվում՝ Իրանից, Հունաստանից, Լիբանանից, ԱՄԷ-ից, Վրաստանից, Բուլղարիայից, Ռումինիայից, Ղազախստանից, Ուզբեկստանից, Բանգլադեշից, Բրազիլիայից, Բալթյան երկրներից, Մալայզիայից ու Եթովպիայից ժամանած պատվիրակություններ։

    Հոկտեմբերի 6-ին համաժողովի բացումը նշանավորվեց վիթխարի համերգով, որի ընթացքում 15 երկրների երաժիշտներից կազմված նվագախումբը՝ Հայաստանի պետական սիմֆոնիկ նվագախմբի գլխավոր դիրիժոր Սերգեյ Սմբատյանի գլխավորությամբ, նվագեց արհեստական բանականության ստեղծած երաժշտությունը։

    WCIT 2019 ՏՏ համաշխարհային համաժողովը Երևանում կանցկացվի հոկտեմբերի 6–9-ը։ Համաժողովի հյուրերի թվում են նաև աշխարհահռչակ հեռուստաաստղ Քիմ Քարդաշյանը, ամերիկահայ գործարար և Reddit կայքի ու Initialized Capital վենչուրային ընկերության համահիմնադիր Ալեքսիս Օհանյանը։

  • Հրայր Թովմասյան
    Last update: 15:56 30.06.2020
    19:41 03.10.2019

    ՍԴ նախագահ Հրայր Թովմասյանին պաշտոնանկ անելու գործընթացը

    2019թ.–ի սեպտեմբերի 16–ին «Իմ քայլը» խմբակցության նիստում որոշում էր կայացվել Սահմանադրական դատարանի նախագահ Հրայր Թովմասյանի նկատմամբ սկսել լիազորությունները դադարեցնելու գործընթաց։ «Իմ քայլը» խմբակցության հեղինակած նախագծին ԱԺ պետաիրավական հանձնաժողովը դրական եզրակացություն էր տվել։

    Թովմասյանը, ըստ լիազորությունները դադարացնել պահանջող կողմի, կարգապահական էական խախտում է կատարել։ Նրա լիազորությունները դադարեցնելու 4 հիմք կա։ Առաջինը`ՀՀ 2–րդ նախագահ Ռոբերտ Քոչարյանի գործին մասնակցության անհնարինության հիմքեր կային։ Խնդիրն այն է, որ Թովմասյանը փոխկապակցված է ՀՀԿ–ի, ինչպես նաև ՀՀԿ նախագահ Սերժ Սարգսյանի հետ։

    Երկրորդ հիմքն այն է, որ Հրայր Թովմասյանի և Քոչարյանի պաշտպան Արամ Օրբելյանի միջև քավոր–սանիկական հարաբերություններ կան, ուստի` Թովմասյանը Քոչարյանի գործով վարույթին չպետք է իրոք մասնակցեր։

    Իսկ երրորդ պատճառը, նրանց խոսքով, այն է, որ նախկինում Թովմասյանը Մարտի 1–ի գործով դատավարությունների մասին կարծիք է արտահայտել, մասնակցել քրգործի վարույթին, ինչը կարող էր կրկին անաչառության կասկածներ առաջացնել։

    Չորրորդ պատճառն այն է, որ Թովմասյանն անտեսել է այդ ամենը ու չի անդրադարձել նաև ՍԴ դատավոր Վահե Գրիգորյանի` նաև այս թեմայով բարձրաձայնած խնդիրներին։

    Եթե ԱԺ պատգամավորների 3/5–ը նախագծին հավանություն տա, Թովմասյանի լիազորությունների դադարեցման հարցը արդեն կքննարկի ՍԴ–ն։

    Հրայր Թովմասյանը ՍԴ նախագահ էր ընտրվել 2018–ի փետրվարին։

     

  • ԵԱՏՄ
    Last update: 23:50 01.10.2019
    13:40 01.10.2019

    Եվրասիական բարձրագույն տնտեսական խորհրդի նիստը Երևանում

    2019թ.–ի հոկտեմբերի 1-ին Երևանում անցկացվեց Եվրասիական բարձրագույն տնտեսական խորհրդի նիստը` նեղ և ընդլայնված կազմով։ Նիստի շրջանակում նախատեսվում է ստորագրել ԵԱՏՄ–Սինգապուր ազատ առևտրի մասին համաձայնագիրը։

    Նիստին մասնակցում են Հայաստանի վարչապետ Նիկոլ Փաշինյանը, Ռուսաստանի նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ Ժոմարտ-Տոկաևը, Ղրղըզստանի նախագահ Սոորոնբայ Ժեենբեկովը և Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:

    Ընդլայնված կազմով նիստին մասնակցելու են նաև Մոլդովայի նախագահ Իգոր Դոդոնը՝ որպես դիտորդի կարգավիճակում գտնվող երկրի ղեկավար, Իրանի նախագահ Հասան Ռոհանին ու Սինգապուրի վարչապետ Լի Սյեն Լուն՝ հրավիրյալ երկրների ղեկավարների կարգավիճակով:

    ԵԱՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է 2015 թվականի հունվարի 1–ից։ Միությունը ստեղծված է ԵԱՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։ ԵԱՏՄ անդամ են Ռուսաստանը, Հայաստանը, Բելառուսը, Ղազախստանն ու Ղրղըզստանը։ 2019 թվականին միությունը նախագահում է Հայաստանը։

     

     

  • Հայկ Հարությունյան
    Last update: 16:01 17.10.2019
    14:00 25.09.2019

    Հայկ Հարությունյանի մահը. քրեական գործ և մանրամասներ

    Սեպտեմբերի 23–ին Բջնիի իր առանձնատանը հայտնաբերվել է նախկին ոստիկանապետ Հայկ Հարությունյանի դին` գլխին հրազենային վնասվածքով:

    Ավելի ուշ պարզվեց, որ նա մահից առաջ զգալի քանակությամբ ալկոհոլ է օգտագործել։

    Հայկ Հարությունյանը հոկտեմբերի 20-ին կդառնար 64 տարեկան: Նա 1999–ից 2003 թվականները զբաղեցրել է ՀՀ ներքին գործերի նախարարի, իսկ 2003–2008թթ` Ոստիկանության պետի պաշտոնը։ 2010–2014 թվականները նա եղել է Հայաստանի արդարադատության նախարարության քրեակատարողական վարչության պետը։ «Մարտական խաչ» 2–րդ աստիճանի շքանշանակիր է։

    2019թ.-ի մայիսին տեղեկություն տարածվեց, որ Հարությունյանը վկայի կարգավիճակով հարցաքննվել է Մարտի 1–ի գործի շրջանակում։

  • Տետ-ա-տետ - Իվետա Տոնոյան
    Last update: 13:15 09.09.2019
    13:15 09.09.2019

    «Դեռ սպասում եմ այն մարդուն, որ կկիսի ինձ հետ իմ կյանքի մնացած բոլոր օրերը». Իվետա Տոնոյան  

    Պատգամավորի սիրտն ազատ է, բայց դա չի նշանակում, որ Իվետան անտարբեր է սեփական ընտանիքն ունենալու հարցի նկատմամբ:

    446
  • «Հանրապետական» մարզադաշտ
    Last update: 15:50 09.09.2019
    17:42 05.09.2019

    Հայաստան - Իտալիա ֆուտբոլային հանդիպում

    Սեպտեմբերի 5–ին Երևանի Վազգեն Սարգսյանի անվան «Հանրապետական» մարզադաշտում Եվրոպայի 2020թ.–ի առաջնության ընտրական փուլում իրենց ուժերը կփորձեն Հայաստանի և Իտալիայի ֆուտբոլի հավաքականները։ Երկրպագուները մեծ ոգևորությամբ ու խանդավառությամբ էին սպասում խաղին։ Դա է վկայում նաև այն փաստը, որ մինչ խաղի օրը բոլոր տոմսերն արդեն վաճառված էին, իսկ «սև շուկայում» 1000 դրամանոց տոմսը կարելի էր ձեռք բերել 10–20 հազարով։

    Հայաստանի ազգային հավաքականի վերջնական հայտացուցակը Իտալիայի հետ խաղից առաջ հետևյալն է.

    Դարպասապահներ
    Արամ Հայրապետյան, «Ուրարտու», Անատոլի Այվազով «Ուրարտու», Արսեն Բեգլարյան, «Դնեպր», (Բելառուս)։

    Պաշտպաններ
    Տարոն Ոսկանյան, «Ալաշկերտ», Հայկ Իշխանյան, «Ալաշկերտ», Արման Հովհաննիսյան, «Գանձասար-Կապան», Վարազդատ Հարոյան, «Ուրալ», Ռուսաստան, Հովհաննես Համբարձումյան, «Էնոսիս Պարալիմնի», (Կիպրոս), Կամո Հովհաննիսյան, «Ժետիսու», (Ղազախստան), Անդրե Չալըշըր, «Գյոթեբորգ» (Շվեդիա)։

    Կիսապաշտպաններ
    Պետրոս Ավետիսյան, «Արարատ-Արմենիա», Արտակ Եդիգարյան, «Փյունիկ», Կառլեն Մկրտչյան, «Փյունիկ», Էրիկ Վարդանյան, «Փյունիկ», Արտակ Գրիգորյան, «Ալաշկերտ», Ռումյան Հովսեփյան, «Արդա» (Բուլղարիա), Հենրիխ Մխիթարյան, «Արսենալ», (Անգլիա), Գևորգ Ղազարյան, ԱԵԼ (Կիպրոս), Էդգար Բաբայան, «Հոբրո», (Դանիա)։

    Հարձակվողներ
    Արթուր Միրանյան «Փյունիկ», Տիգրան Բարսեղյան, «Կայսար», (Ղազախստան), Սարգիս Ադամյան, «Հոֆենհայմ», (Գերմանիա), Ալեքսանդր Կարապետյան, «Սոչի», (Ռուսաստան)։

     

  • Ամուլսար
    Last update: 13:43 20.02.2020
    12:47 21.08.2019

    Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը

    Ամուլսարի ոսկու հանքը պաշարներով Հայաստանի երկրորդ հանքավայրն է։ Հանքավայրը շահագործելու համար արտոնագիր է ստացել Հայաստանում Lydian International դուստր ընկերություն` GeoTeam-ը, որը ավելի ուշ վերանվանվել է Lydian Armenia-ի։ Ամուլսարի լեռնագագաթը գտնվում է Վայոց Ձորի և Սյունիքի մարզերի սահմանագլխին՝ Ջերմուկ քաղաքից 10 կմ հեռավորության վրա:

    Հանքավայրի շինարարության պաշտոնական մեկնարկը տրվել էր 2016թ-ի օգոստոսի 19-ին: Ամուլսարը Հայաստանում այս պահին ամենախոշոր միջազգային ներդրումն է: Այն իրականացվել է Միջազգային ֆինանսական կորպորացիան (IFC) և Վերակառուցման ու զարգացման եվրոպական բանկի չափանիշներին համապատասխան, բնապահպանական և սոցիալական ազդեցությունների գնահատմամբ: Հանքի շահագործումը Հայաստանում իշխանափոխությունից հետո դադարեցվել է, հարուցվել է քրեական գործ` չարաշահումների և բնապահպանական օրենսդրության խախտումների փաստով։

    Կառավարության հրավերով հանքի տարածքում միջազգային բնապահպանական փորձաքննություն իրականացվեց, որի արդյունքները հրապարակվեցին օգոստոսի 14-ին։

    Ամուլսարի փորձագիտական եզրակացությունը ստանալուց հետո Քննչական կոմիտեն հայտարարեց, որ նախկին պաշտոնյաների նկատմամբ քրեական հետապնդման հիմքեր չկան։ Նրանց կողմից շրջակա միջավայրի աղտոտման մասին տեղեկությունները դիտավորյալ թաքցնելու փաստեր ձեռք չեն բերվել։

    Քննչական մարմնի այս հայտարարությունը նոր կրքեր է բորբոքել Ամուլսարի հանքշահագործման դեմ պայքարող բնապահպանների շրջանում։ Ակտիվիստները Ջերմուկում բողոքի ակցիաների նոր ալիք էին սկսել։