Ռյազանի մարզում «Ավիադարտս» ավիաշոուի ընթացքում ուղղաթիռի վթարի հետևանքով օդաչուներից մեկը զոհվել է, երկրորդը ցնցում և սալջարդեր է ստացել։
Ինչպես հայտնել է ՌԴ ՌՕՈՒ գլխավոր հրամանատար Վիկտոր Բոնդարևը, ուղղաթիռը վթարի է ենթարկվել կառավարման և հիդրոհամակարգի խափանման հետևանքով։ Ուղղաթիռը վայրէջք է կատարել, ինչից հետո սկսել է այրվել։ Նա նաև ավելացրել է, որ օդաչուները մինչև վերջ փորձել են փրկել մարտական մեքենան։
ՌԴ ՊՆ–ի ներկայացուցիչները վստահեցրել են, որ ցուցադրական թռիչքներն իրականացվել են անվտանգության պահանջների խիստ համապատասխանությամբ։ Թռիչքներն իրականացվել են հանդիսատեսի տրիբունաներից անվտանգ հեռավորության վրա, այդ պատճառով հանդիսատեսի համար ռիսկերը բացառված են եղել, ընդգծել են գերատեսչության մամուլի ծառայությունից։
Մի-28Ն «Գիշերային որսորդ» ռազմական ուղղաթիռը հարվածային ուղղաթիռ է, որը նախատեսված է տանկերի, զրահապատ և ոչ զրահապատ տեխնիկայի, ինչպես նաև հակառակորդի հետևազորի օդային թիրախների որոնման և ոչնչացման համար։
Ռյազանի վթարից հետո երկրորդ օդաչուն ինքնուրույն է լքել այրվող ինքնաթիռը
15:34 03.08.2015 (Թարմացված է: 15:51 03.08.2015)
© Ruptly
Բաժանորդագրվել
«Բերկուտներ» օդաչուների խմբի Մի-28Ն ուղղաթիռը կիրակի օրը վթարի է ենթարկվել Ռյազանում։ Տեսանյութում երևում է, թե ինչպես է վթարից հետո ողջ մնացած միակ օդաչուն դուրս գալիս այրվող «Գիշերային որսորդից»։
