08:45 28 մայիսի 2017
Ուղիղ եթեր
Տեսանյութեր

ԼԺՀ–ի լիազոր ներկայացուցիչը խոսում է սպառազինության դուրսբերման մասին

Ստանալ կարճ հղումը
185 0 0
(1:52 / 11.87Mb / )
© Ruptly.

Դոնեցկի և Լուգանսկի ժողովրդական հանրապետությունների լիազոր ներկայացուցիչներ Դենիս Պուշիլինն ու Վլադիսլավ Դեյնեգոն մեկնաբանել են Ուկրաինայում տիրող իրավիճակի կարգավորման հարցով շփման խմբի բանակցությունների արդյունքները

Ուկրաինայում տիրող իրավիճակի կարգավորման կոնտակտային խումբը երկուշաբթի Մինսկում կայացած երկար բանակցությունների ընթացքում այդպես էլ չկարողացավ համաձայնեցնել գլխավոր փաստաթուղթը (մինչև 100 միլիմետր տրամաչափ ունեցող սպառազինության առանձին տեսակների և տանկերի հեռացման համաձայնագիր), ինչն ակնկալում էին այդ հանդիպումից։

Կոնտակտային խմբում ՌԻԱ Նովոստիի աղբյուրը տեղեկացրել է, որ խոչընդոտ են դարձել շփման գծի չորս կետերը, որոնցից ուկրաինական կողմը մտադիր չէ հեռացնել սպառազինությունը։ Իսկ Դոնեցկի և Լուգանսկի ներկայացուցիչները պնդում են, որ պայմանավորված սպառազինությունը պետք է հեռացվի ողջ շփման գծից։

ԼԺՀ–ի լիազոր ներկայացուցիչը նշել է, որ սպառազինության հեռացման համաձայնագիրը չի ստորագրվել ուկրաինական կողմի պատճառով։

Դեյնեգոյի խոսքով` համաձայնեցվել է հեռացման մասին փաստաթղթի նոր տարբերակը, ինչից հետո արդեն ստորագրության պատրաստման փուլում կրկին առաջացել են խոչընդոտներ և «Ուկրաինան կրկին ստոպ է տվել»։ Նա ափսոսանք է հայտնել, որ այսօրվա դրությամբ համաձայնագրի տեքստը չկա։

ԼԺՀ–ի լիազոր ներկայացուցիչն ավելացրել է, որ Դոնբասին հատուկ կարգավիճակ տրամադրելու հարցը բաց է մնում, շփման խմբի քաղաքական ենթախումբը շարունակում է քննարկել այդ հարցը։

Ուկրաինայում տիրող իրավիճակի կարգավորման հարցով եռակողմ շփման խմբի և դրա չորս թեմատիկ ենթախմբերի նիստը  տեղի է ունեցել երկուշաբթի Մինսկում, այն կշարունակվի նաև երեքշաբթի։

Այլ տեսանյութեր

Գլխավոր թեմաներ