10:17 22 հոկտեմբերի 2017
Ուղիղ եթեր
Տեսանյութեր

«Մոսկվարիումի» այցելուները դիպել են ծովաստղերին և ուսումնասիրել ձկներին

Ստանալ կարճ հղումը
194 0 0
© Ruptly.

Եվրոպայի «Մոսկվարիում» օվկիանոսագրական ամենախոշոր կենտրոնը բացվել է Մոսկվայի ВДНХ–ի տարածքում։ Տեսանյութում կարող եք տեսնել, թե ինչպես են առաջին այցելուներն ուսումնասիրել ձկներին և փորձել «որսալ» ծովաստղերին։

Եվրոպայի  «Մոսկվարիում» օվկիանոսագրական ամենախոշոր կենտրոնը բացվել է ВДНХ–ի տարածքում։ Տեսանյութում կարող եք տեսնել, թե ինչպես են առաջին այցելուներն ուսումնասիրել ձկներին և փորձել «որսալ» ծովաստղերին։

«Մոսկվարիումի» տարածքը բաժանված է երեք գոտու` ակվարիումների գոտի, ջրային շոուի գոտի և դելֆինների հետ լողի գոտի յոթ ավազաններում։ Ակվարիումի` 12 000 քառակուսի մետր ընդհանուր մակերեսով գոտում ապրում է 7000 ծովային և քաղցրահամ ջրերի կենդանիներ աշխարհի բոլոր ծայրերից։

Կենտրոնի մակերեսը, հաշվի առնելով ավազանների մակերեսը, կազմում է 53 000 քառակուսի մետր և տեղավորում է 25 միլիոն լիտր ջուր։ «Մոսկվարիումը» Եվրոպայի խոշորագույն գիտաճանաչողական օվկիանոսագրական կենտրոն է։

«Մենք կարողացել ենք միավորել օվկիանարիումի և գիտահետազոտական կենտրոնի պայմանները ծովափից հարյուրավոր կիլոմետր հեռավորության վրա»,– նշել է նրա տնօրեն Մարինա Ժուրավլյովան։
 
Ակվարիումների գոտին ընդգրկում է նաև ինտերակտիվ մանկական գոտի` թաչ փուլ ծովաստղերով, ծածաններով և կատվաձկներով։ «Մոսկվարիումում» ստեղծվել է ջրապատրաստման և միկրոկլիմայի բացառիկ փակ համակարգ։ Համալիրի ինժեներային հաղորդակցությունների երկարությունը կազմում է մոտ 100 կիլոմետր։ Օվկիանարիումի գործարկման համար պահանջվել է ավելի քան 500 տոննա ծովային աղ, տասնյակ տոննա պահանջվում է օվկիանարիումն աշխատանքային վիճակում պահելու համար։

Այլ տեսանյութեր

Գլխավոր թեմաներ