04:50 12 դեկտեմբերի 2017
Ուղիղ եթեր
Տեսանյութեր

Տոկիոյի գործարանի վրա թանձր ծուխ է բարձրացել. ականատեսի տեսանյութը

Ստանալ կարճ հղումը
525 0 0
© Ruptly.

Կիրակի Տոկիոյի Հանեդա օդանավակայանի մոտ Nippon Steel ընկերության գործարանի շենքում բռնկված հրդեհը տեղափոխվել է հարևանությամբ գտնվող Kao Corporation ընկերության շենք, որը Ճապոնիայում կոսմետիկայի և կենցաղային քիմիայի արտադրությամբ զբաղվող ամենամեծ ընկերությունն է։ Դիտեք ականատեսի նկարահանած տեսանյութը

Տոկիոյի Հանեդա օդանավակայանի մոտ գտնվող գործարանում հրդեհը մարվել է, հայտնում  է Կիոդո գործակալությունը` հղում անելով տեղի հրշեջ ծառայությանը։
 
Հրդեհը բռնկվել է Nippon Steel & Sumitomo Metal ընկերության` խողովակ պատրաստող գործարանի սառեցման աշտարակում։ Գործարանը գտնվում է Տոկիոյի Հանեդա օդանավակայանի մոտ` Կավասակի քաղաքում։
 
Ավելի ուշ հրդեհը տեղափոխվել է հարևանությամբ գտնվող Kao Corporation ընկերության շենք, որը Ճապոնիայում կոսմետիկայի և կենցաղային քիմիայի արտադրությամբ զբաղվող ամենամեծ ընկերությունն է ։ Ընկերության բոլոր աշխատողները տարհանվել են։

Հրշեջ ծառայության տվյալներով` զոհեր և վիրավորներ չկան։ Հրդեհի պատճառները պարզվում են։
 
Ճապոնիայի տրանսպորտի նախարարության տեղեկատվության համաձայն, հրդեհը չի ազդել ավիահաղորդակցության վրա։ Միևնույն ժամանակ պատահարի հետևանքով քաղաքի ավտոմայրուղիներից մեկի հատվածում փակել են երթևեկությունը։

Ավելի վաղ խոշոր հրդեհ էր բռնկվել ճապոնական Սագամիհարա քաղաքի ամերիկյան ռազմակայանում, տուժածներ չկան։

Այլ տեսանյութեր

Գլխավոր թեմաներ