ՌԴ ՔԿ պաշտոնական ներկայացուցիչ Վլադիմիր Մարկինը հայտնել է, որ Քննչական կոմիտեն պարտավոր է գտնել ՅՈՒԿՕՍ-ի նախկին ղեկավար Միխայիլ Խոդորկովսկուն` անկախ այն հանգամանքից, թե որտեղ է նա թաքնվում
ՌԴ ՔԿ պաշտոնական ներկայացուցիչ Վլադիմիր Մարկինը հայտնել է, որ քննությունը որոշել է հեռակա կարգով ձերբակալել գործարար Միխայիլ Խոդորկովսկուն, քանի որ ապացույցներ կան, որ նա սպանությունների մասնակից է։
«Եվ էական չէ` որտեղ է թաքնվում ծանր հանցագործություն կատարած մեղադրյալը` Ռուսաստանու՞մ, թե՞ երկրի սահմաններից դուրս, թեկուզ Անտարկտիդայում` մենք պարզապես պարտավոր ենք օրենքով նախատեսված բոլոր միջոցները կիրառել նրան քրեական պատասխանատվության ենթարկելու համար», — ասել է Մարկինը։
Արտասահմանում գտնվող գործարարը հրաժարվել է որևէ կապ հաստատել ռուսական իրավապահ մարմինների հետ և վստահ է, որ ձերբակալությունն ու միջազգային որոնումը չեն անդրադառնա նրա կենսակերպի վրա և չեն սահմանափակի նրա տեղաշարժը։
ՌԴ նախագահի մամուլի քարտուղար Դմիտրի Պեսկովը հայտնել է, որ Կրեմլում հակասություն չեն տեսնում այն երկու փաստի մեջ, որ Պուտինը 2013 թվականին ներում է շնորհել Խոդորկովսկուն, իսկ այժմ նրա հանդեպ հեռակա կալանավորման որոշում է ընդունվել։
