10:18 25 սեպտեմբերի 2017
Ուղիղ եթեր
Տեսանյութեր

Գյումրու մասնավոր կենդանաբանական այգի. առյուծներն ու արջերն օգնության կարիք ունեն

Ստանալ կարճ հղումը
210 0 0
© Ruptly.

Առյուծներն ու արջերը Գյումրու մասնավոր փոքրիկ կենդանաբանական այգում սոված են մնում։ Կենդանաբանական այգու սեփականատեր Ստեփան Վարդանյանը դիմել է կառավարությանը` խնդրելով տեր կանգնել կենդանիներին

Գյումրու կենդանաբանական այգու սեփականատերը 2010 թվականից է պահում կենդանիներին, սակայն փողի բացակայության պատճառով չի կարող այսուհետ ևս զբաղվել սիրած գործով։

Կենդանաբանական այգու աշխատակիցներն անում են հնարավոր ամեն բան` պայմանները բարելավելու համար, անգամ դույլերով ջուր են բերում։

Ստեփան Վարդանյանը խնդրել է տեղի բնակիչներին, որ նրանք չթափեն մրգի ու բանջարեղենի կճեպը։ Բացի այդ, այգու աշխատակիցները միջոցներ չունեն, որպեսզի ծղոտ գնեն վանդակները տաքացնելու համար։ Սակայն այգու խնդիրները նրանք ի զորու չեն միայնակ լուծել։

«Նախ` մեր կառավարությունը պետք է մտածի այդ մասին: Մենք չենք կարող օգնել այդ կենդանիներին, դրա համար գումար է հարկավոր: Միայն կառավարությունը կամ պաշտոնատար անձինք կարող են անհրաժեշտ միջոցներ տրամադրել», — ասել է տեղի բնակիչներից մեկը:

Կենդանաբանական այգու վատ վիճակը հայտնվել է կենդանիների պաշտպանությամբ զբաղվող արտասահմանյան կազմակերպությունների ուշադրության կենտրոնում, որոնք վրդովվել են կենդանիների հանդեպ նման վերաբերմունքից:

Հաճախ են նաև դեպքերը, երբ կենդանաբանական այգու կենդանիները, այդ թվում` մասնավոր կենդանաբանական այգիների, վատ պայմաններում են պահվում և պատշաճ խնամք չեն ստանում: Այսպես, օրինակ, Յալթայի կենդանաբանական այգում 2015 թվականի դեկտեմբերին սատկեցին բենգալյան վագրի երեք սպիտակ ձագեր:

 

 

Այլ տեսանյութեր

Գլխավոր թեմաներ