22:56 11 օգոստոսի 2020
Ուղիղ եթեր
  • USD485.32
  • GBP635.72
  • EUR572.14
  • RUB6.66
Տեսանյութեր

Իվետա Մուկուչյանի հաջողության գաղտնիքը բացահայտում է Ռուզաննա Ջամբազյանը

Ստանալ կարճ հղումը
47622
© Sputnik / Կարեն Եփրեմյան

Ստոկհոլմում կայացած «Եվրատեսիլ 2016» մրցույթում երգչուհի Իվետա Մուկուչյանը զբաղեցրեց 7-րդ հորիզոնականը, սակայն շատերը վստահ են, որ այդ գնահատականն այնքան էլ արդար չէր

«Շանթ» հեռուստաընկերության միջազգային նախագծերի վոկալիստ Ռուզաննա Ջամբազյանը վաղուց է ճանաչում Իվետային, այն ժամանակից, երբ երգչուհին դեռ առաջին քայլերն էր անում հայկական շոու բիզնեսում: Ջամբազյանը հիշում է Իվետային Hay Superstar նախագծից և նշում, որ հեռուստաշոուի ժամանակ նա շատ է աճել:

«Ես վստահաբար կարող եմ ասել, որ նա շոուի ամենաաշխատասեր մասնակիցն էր: Դեռ այն ժամանակ էր երևում, որ նախագծից հետո կշարունակի զարգացնել իր տաղանդն ու առաջ կգնա, քանի որ անչափ աշխատասեր էր և միշտ ձգտում էր ինչ-որ նոր բան սովորել», — նշում է Ջամբազյանը:

Վոկալիստի խոսքով՝ Իվետան միշտ շատ հարցեր էր տալիս, ձգտում էր կատարելության և անդադար աշխատում էր, ինչն էլ նրա հաջողության գրավականը դարձավ: Ջամբազյանի կարծիքով՝ կարևոր չէ, թե «Եվրատեսիլ» երգի մրցույթում Հայաստանը որ տեղը զբաղեցրեց, միևնույն է՝ Իվետան հաղթեց: Ռուզաննան վստահ է, որ երիտասարդ երգչուհին ըստ արժանվույն ներկայացրեց Հայաստանը:

 

Այլ տեսանյութեր

Գլխավոր թեմաներ