13:54 20 օգոստոսի 2017
Ուղիղ եթեր
Տեսանյութեր

Քաղաքագետ. Սփյուռքն ավելի թանկ է, քան նավթը

Ստանալ կարճ հղումը
7520
© Sputnik. Լաուրա Սարգսյան

Տեղի ունեցավ Հայաստանի հանրային հեռուստաընկերության «Առաջին լրատվական» ծառայության ավագ մեկնաբան, հեռուստալրագրող, քաղաքական գիտությունների թեկնածու Աբրահամ Գասպարյանի «Ներքաղաքական գործընթացների իրողությունները Մերձավոր Արևելքում» աշխատության շնորհանդեսը:

Գիրքը գրելու գաղափարն առաջացավ 15 տարի առաջ, և այդ տարիների ընթացքում ձևավորվեց այն ամբողջությունը, որը ներկայացվել է գիտական աշխատության մեջ։ Գրքում նկարագրվում և վերլուծվում են այն քաղաքական գործընթացները, որոնք տեղի են ունեցել և մինչ օրս տեղի են ունենում։ Հեղինակը գրում է այն սխալների մասին, որոնք բերել են նրան, ինչը մենք այսօր ունենք տարածաշրջանում։

Գասպարյանը համոզված է, որ մենք 21-րդ դարում չպետք է սահմանափակվենք միայն կարգախոսներով։

«Եթե մենք շարունակենք լոզունգային ֆրազաներով առաջնորդվել` կարգախոսային, կենացային բովանդակության, դրանից ոչինչ չի ստեղծվելու։ Եթե մենք հռչակել ենք Հայաստան-Արցախ-Սփյուռք եռամիասնությունը` որպես մեր այս տարածաշրջանում ոչ միայն գոյատևման, այլ նաև զարգացման, առաջխաղացման հիմք, ապա պետք է օգտագործել այդ ամբողջ ռեսուրսը։ Ես չէի ուզի զուգահեռներ անցկացնել. Ադրբեջանը նավթ ունի, մենք Սփյուռք ունենք, ոչ, Սփյուռքը ավելի թանկ է, քան նավթը»,- նշեց Գասպարյանը։

Այլ տեսանյութեր

Գլխավոր թեմաներ