19:01 28 հուլիսի 2017
Ուղիղ եթեր
Տեսանյութեր

Եվրատեսիլ-2017. Արծվիկի «Fly with me» երգն ու տեսահոլովակը

Ստանալ կարճ հղումը
Եվրատեսիլ 2017 (17)
53505
© youtube

Րոպեներ առաջ կայացավ «Եվրատեսիլ-2017» միջազգային մրցույթի հայաստանյան երգի և տեսահոլովակի պրեմիերան. Արծվիկը եվրատեսիլյան երկրպագուներին և եվրոպաբնակ հանդիսականին կներկայանա «Fly with me» երգով:

Հայաստանի հանրային հեռուստաընկերությունը ներկայացրեց «Եվրատեսիկ-2017» մրցույթի հայաստանյան մասնակցի երգն ու տեսահոլովակը:

«Fly with me» երգի երաժշտության համահեղինակները Լևոն և Լիլիթ Նավասարդյաններն են: Համահեղինակներն են Ավետ Բարսեղյանը և Դավիթ Ծերունյանը:

Լիլիթ Նավասարդյանի խոսքով՝ «Fly with me» երգի ստեղծման հիմքում որոշակիորեն եվրատեսիլյան մասնակցության սեփական փորձն է ընկած:

«Երբ Արամ MP3-ի համար էի երգը գրում, ամեն ինչ շատ նոր էր ինձ համար, հիմնականում հարցեր էին, հստակ պատասխան չկար: Իվետա Մուկուչյանի պարագայում շատ ավելի համարձակ ու համառ էի: Իսկ ահա Արծվիկի համար գրելիս ինձ առաջին իսկ վայրկյանից գրավեց նրա ձայնի բազմազանությունը, որի միջոցով փորձեցի էթնիկ բազմազանություն ցույց տալ՝ ոչ թե իրար հակադրելով, այլ յուրատեսակ համադրություն ցույց տալով: Ուզում էի այնպիսի երգ ստանալ, որը լավագույնս կհամապատասխանի և կներկայացնի Արծվիկին»,- նշում է Լիլիթ Նավասարդյանը՝ հավելելով, որ երգը գրելիս օգտագործվել են շատ տարբեր ազգային երաժշտական գործիքներ:

Երգի հերոսուհին ներկայացնում է իր կյանքի պատմությունը, որն իր մեջ ամփոփում է ամենանվիրական զգացմունքը՝ սերը ու պատմում է մեզ, թե ովքեր ենք մենք իրականում: Նա թռչում է վեր, անցնում երկար ու դժվար ճանապարհ՝ եզրակացնելով, որ արևը մեկն է բոլորիս համար:

Ռեժիսոր Արթուր Մանուկյանի խոսքով՝ երգն այնքան շատ զգացմունքներ է փոխանցել իրեն և միաժամանակ այնքան տարբեր զգացողություններ առաջացրել, որ որոշել է տարբեր խորհրդանիշներ օգտագործել: «Սա այն բացառիկ տեսահոլովակներից է, որը լիարժեքորեն ներկայացնում է ինձ: Այն նկարահանելիս առավելագույնս ազդվել և ոգեշնչվել եմ երգից»,- նշեց Արթուր Մանուկյանը:

«Եվրատեսիլ-2017» մրցույթն այս տարի կանցկացվի մայիսի 9-ին, 11-ին և 13-ին Կիևում: Արծվիկը ելույթ կունենա մայիսի 9-ին՝ 1-ին կիսաեզրափակչի ընթացքում: Մրցույթն այս տարի կանցկացվի «Տոնենք բազմազանությունը» կարգախոսի ներքո:

թեմա:
Եվրատեսիլ 2017 (17)

Այլ տեսանյութեր

  • Стихийное бедствие в Стамбуле
    Last update: 17:59 28.07.2017
    17:59 28.07.2017

    Վիդեոկադրեր. ջրհեղեղ և կարկտահարություն Ստամբուլում

    Թուրքիայի խոշորագույն քաղաքում երկրորդ օրն է, ինչ անձրև է տեղում, այնտեղ ջրհեղեղ է. դիտեք տեսանյութում, թե ինչպես են տեղի բնակիչները փորձում փրկվել տարերքից։

    2
  • Sputnik Արմենիան պատմում է երևանյան երթուղայինների անմխիթար վիճակի մասին
    Last update: 16:11 28.07.2017
    16:11 28.07.2017

    Ինչո՞ւ են վտանգավոր չափից ավելի լցված երթուղայինները

    Ամռանը երևանյան երթուղայինները շոգեբաղնիքի են վերածվում։ 11-13 ուղևորի համար նախատեսված երթուղայիններում երբեմն կանգած ուղևորները կարող են ավելի շատ լինել։ Նույնիսկ ինձ նման ցածրահասակ մարդու համար դժվար է կանգնած տեղավորվել երթուղայինում։

    22
  • Ջրհեղեղ Երևանի Արգենտինայի հրապարակում
    Last update: 21:02 27.07.2017
    21:02 27.07.2017

    Ջրհեղեղ` Երևանի Արգենտինայի հրապարակում

    Չարենցի փողոցի բնակիչներն այսօր առավոտյան տհաճ անակնկալի են եկել՝ տեսնելով փողոցի բանուկ հատվածում հոսող առատ ջուրը:

    157
  • ԱՄԵՆԱՄԵԾ ԽՆԴԻՐԸ ՔԱՂԱՔԱՑԻՆԵՐԻ ԻՐԱԶԵԿՈՒԹՅԱՆ ՊԱԿԱՍՆ Է. ՔԿԱԳ ՏԱՐԱԾՔԱՅԻՆ ՄԱՐՄԻՆՆԵՐԸ ԲԱՐԵՓՈԽՎՈՒՄ ԵՆ ՀԱՆՈՒՆ ՔԱՂԱՔԱՑՈՒ
    Last update: 19:24 27.07.2017
    19:24 27.07.2017

    Անգլերենով ապոստիլը կխնայի քաղաքացու ժամանակն ու փողը

    Հուլիսի 22-ից ՀՀ արդարադատության նախարարության կողմից տրամադրվող միջազգային վավերացման ձևաթուղթը` ապոստիլը, կտրվի միայն անգլերենով: Այդ տեղեկությունը տարածեց Հայաստանի արդարադատության նախարարությունը:

    36

Գլխավոր թեմաներ