ՀՀ գյուղատնտեսության նախարար Իգնատի Առաքելյանը կառավարության նիստից հետո խոսեց քաղցրաշենցիների խնդրի մասին։ Լրագրողի այն դիտարկմանը, որ կառավարությունն է ստիպել` վարչապետ Հովիկ Աբրահամյանի ղեկավարությամբ. «Վինար» ընկերությանը` ասելով` դուք ընդունեք, մենք տեր ենք, Առաքելյանը պատասխանեց.
«Ով ստիպել է, թող տեր կանգնի։ Ե՞ս եմ ստիպում։ Ես իրավահաջորդն եմ, բայց ես չեմ ստիպել ու ասել` գնացեք, վաճառեք։ Այդ ընկերությունը լիցենզիա չուներ։ Առաջին անգամ էր գնում կատարել, նրան էլ տարել-վաճառել են, ինչո՞ւ»,-ասաց Առաքելյանը։
Այնուհետև Իգնատի Առաքելյանը հանդիպեց քաղցրաշենցիների հետ, որոնք հավաքվել էին կառավարության շենքի առջև։
«Հնարավորություն ունե՞ս, կպցրու, մեր փողը վերցնենք»,-ասաց գյուղացիներից մեկը։
Հիշեցնենք, որ 2015 թվականին քաղցաշենցիները խաղող էին հանձնել մթերման։ Մթերողը «Վինար» ընկերությունն էր, որը մինչև այսօր չի վճարել գյուղացիներին։ Ընկերությունը քաղցրաշենցիներին պարտք է մոտ 72-73 միլիոն դրամ։ Խաղողագործները շարունակում են բողոքի ակցիաներ անցկացնել` պահանջելով իրենց հասանելիք գումարը։ Գործն այսօր դատախազությունում է։