23:44 30 մարտի 2020
Ուղիղ եթեր
  • USD500.80
  • GBP620.19
  • EUR554.34
  • RUB6.30
Տեսանյութեր

Հորդանանի արքայադուստրը հիացավ Գառնու տաճարով ու Գեղարդի վանքով

Ստանալ կարճ հղումը
38430
© Sputnik / Դավիթ Գալստյան, Կարեն Եփրեմյան

Հորդանանի արքայադուստր Դինա Մայրեդն այցելեց Գեղարդի վանք ու Գառնու հեթանոսական տաճար։

Ճանապարհին նա մի քանի սելֆի արեց Արարատի ֆոնին, հետո հիացավ Գեղարդի վանահամալիրի և Գառնու հեթանոսական տաճարի ճարտարապետությամբ։ Էքսկուրսիայի ընթացքում նրան ուղեկում էր ԵՊԲՀ ռեկտոր Արմեն Մուրադյանը։

Գեղարդում նա մանրադրամ նետեց ջրի մեջ, իսկ Գառնիում համտեսեց ավանդական հայկական լավաշն ու պանիրը։ Ասաց, որ իրեն շատ դուր եկավ։

Մայրեդին անչափ հետաքրքրեց դուդուկի նվագը, որը հնչում էր Գառնիում։ Վստահեցրեց, որ Հորդանան վերադառնալուն պես մանրամասն կուսումնասիրի Գառնու, Գեղարդի ու դուդուկի պատմությունը։

Նրա խոսքով` Հորդանանն ու Հայաստանը լավ բարեկամներ են։ Հպարտությամբ նշեց, որ Հորդանանում կա հայկական համայնք, որն արդեն դարերի պատմություն ունի։ Ասաց, որ հայերից մի քանիսի հետ ընկերություն է անում։

«Նույնիսկ Հուսեին թագավորի լուսանկարիչը հայ է։ Մենք ունենք հայկական ռեստորան` հիասքանչ ուտեստներով, շատ հայեր կան մեծանուն ոսկերիչների շարքում։ Շատ ենք հպարտանում մեր հայ համայնքով, որը հարստացնում է մեր մշակույթը։ Երբ ինձ այստեղ հրավիրեցին, ես չէի կարող բաց թողնել Հայաստանը սեփական աչքերով տեսնելու հնարավորությունը։ Գիտեք` անհավանական է։ Չեմ կարող փոխանցել` որքան հիացած եմ Հայաստանի գեղեցկությամբ»,- ասաց նա։

Հորդանանի արքայադուստր Դինա Մայրեդը Քաղցկեղի վերահսկման միջազգային միության (UICC) նորընտիր նախագահն է։ Երկար տարիներ ղեկավարել է Հուսեին Թագավորի Քաղցկեղի հիմնադրամը, մեծապես նպաստել է Հորդանանում ուռուցքաբանության զարգացմանը։ Արքայադուստրը Հայաստան է ժամանաել ԵՊԲՀ ռեկտորի հրավերով։

Այլ տեսանյութեր

Գլխավոր թեմաներ