Կոշի մանկական վերականգնողական կենտրոնի տնօրեն Զավեն Քոլոյանը Sputnik Արմենիայի «Կաղապարից դուրս» հաղորդման շրջանակում խոսում է հաստատության մասին։
Կենտրոնը բացառիկ է, քանի որ ապահովում է նաև երեխաների տրանսպորտը և օրվա սնունդը: Օրական սպասարկելով սահմանափակ հնարավորությունների տեր 24 երեխայի` կենտրոնը հնարավորություն է ստեղծում նման խնդիր ունեցող ընտանիքներին և մասնավորապես մայրերին ունենալ ազատ ժամանակ աշխատանքի տեղավորվելու կամ այլ խնդիրներով զբաղվելու համար:
Մոտ ապագայում Կոշի մանկական վերականգնողական կենտրոնը կունենա նաև ննջասենյակներ, ինչը կենտրոնում գիշերելու հնարավորություն կտա հատկապես Հայաստանի հեռավոր անկյուններում բնակվող սահմանափակ հնարավորություններով երեխաներին:
Ննջասենյակները հարմարեցված կլինեն նման երեխաների կարիքները հոգալու համար, ինչը սակայն չի ավելացնի ամսական վճարը:
Հարցազրույցի ամբողջական տարբերակը լսեք «Կաղապարից դուրս» հաղորդաշարի շրջանակում:
Հաղորդավար` Ամալյա Պապյան։
