20:07 15 օգոստոսի 2020
Ուղիղ եթեր
  • USD484.83
  • GBP634.16
  • EUR571.91
  • RUB6.61
Տեսանյութեր

Շարմազանով. Ղարաքիլիսայի ճակատամարտը հայերի համար երկրորդ Ավարայր դարձավ

Ստանալ կարճ հղումը
127 0 0
ՀՀ ԱԺ մամուլի ծառայություն

Ազգային ժողովի փոխնախագահ Էդուարդ Շարմազանովը Լոռու մարզում մայիսի 28-ին մասնակցել է Ղարաքիլիսայի հերոսամարտի 99-ամյակին նվիրված տոնախմբությանը և ասել՝ մեր ժողովրդի պատմությունը ոչ այլ ինչ է, քան պայքար հանուն անկախության:

ՀՀ ԱԺ փոխխոսնակ Էդուարդ Շարմազանովն իր ելույթում նշեց՝ 99 տարի առաջ հայ ժողովուրդը, մահվանը հաղթելով, վերականգնեց պետականությունը:

Նրա խոսքով` այդ անկախության համար պայքարը սկսվեց հեռավոր մ.թ.ա. 2492 թվականին, երբ Հայկ Նահապետը հաղթեց Բելին:

«Հայերի առաքելությունը պետք է լինի ապրել ու արարել մեր հայրենիքում` Հայկական բարձրավանդակում», — ասաց Շարմազանովը:

Նա նշեց, որ անկախության համար պայքարում էր Արտաշես առաջինը, անկախության համար տեղի ունեցան Ձիրավի, Ավարայրի ճակատամարտերը: Դարեր անց անկախության համար պայքար մղվեց Ղարաքիլիսայում:

«Եվ ինչպես կասեր Ավետիս Ահարոնյանը, հայ ժողովուրդը Ղարաքիլիսայում նոր Ավարայրի ճակատամարտ տվեց: Ղարաքիլիասում, առավել քան Սարդարապատում կամ Բաշ-Ապարանում որոշվում էր հայությն լինել-չլինելը»,- ասաց Շարմազանովը:

1918 թվականի մայիսին հայ ժողովուրդը թուրք զավթիչների դեմ հերոսական հաղթանակ տարավ Սարդարապատում, Բաշ-Ապարանում և Ղարաքիլիսայում: Հենց այդ հաղթանակները թույլ տվեցին հայ ժողովրդին պետություն ստեղծել:

Այլ տեսանյութեր

Գլխավոր թեմաներ