00:07 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Տեսանյութեր

Կավաջա կամ սպիտակ մարդ. այսպես են հայ բժիշկներին դիմել Նուբա լեռներում

Ստանալ կարճ հղումը
26072
© Sputnik / Գոհար Սարգսյան, Արամ ներսեսյան

Հեռավոր Սուդանում հայ բժիշկներին անվանում էին կավաջա, այլ կերպ ասած` սպիտակ մարդ։ Հայ բժիշկներին հեռավոր Նուբա լեռներում ընդունեցին ջերմությամբ ու հասցրին սիրել, այնքան, որ բաժանումն ուղեկցվեց թաց աչքերով։

Մոտ մեկ ամսվա ընթացքում հայ բժիշկները քրտնաջան աշխատեցին Նուբա լեռներում` փորձելով փոխարինել Թոմ Քաթինային։

Տեսնելով անձնվեր Քաթինային` հայ բժիշկները մեկ վայրկյան անգամ չվարանեցին մեկնել այնտեղ։ Մի վայր, որտեղ էլեկտրականություն, ջուր, կոյուղի ու կենսակերպի համար տարրական պայմաններ չկան, որտեղ մարդկանց մեծ մասը վիրավոր է ու հիվանդ։

Հայ բժիշկների համար գլխավոր մոտիվացիան այն էր, որ եթե Թոմ Քաթինան միայնակ կարողանում է աշխատել «Գթության մայր» հիվանդանոցում, օրական ընդունել 400 հիվանդի, իսկ տարեկան կատարել 1000 վիրահատություն, ուրեմն մեկ ամսով այնտեղ մեկնելն ու Քաթինային փոխարինելն իսկապես անձնուրացություն է:

Սա նրանց համար լակմուսի թղթի պես մի բան էր, որով պարզվեց` արդյո՞ք իրենք պատրաստ են իրական մարդասիրական քայլերի։

Այլ տեսանյութեր

Գլխավոր թեմաներ