Սերժ Սարգսյանը նորընտիր քաղաքապետին մաղթեց արդյունավետ աշխատանք և ընդգծեց, որ նա հիասթափեցնելու իրավունք չունի, քանի որ Անդրանիկ Մարգարյանի որդին է ու Հանրապետականի ղեկավարներից։
Մինչ բուն արարողությունը լրագրողները զրուցեցին գործող քաղաքապետի թիմակիցների ու ընդդիմախոսների հետ։
Քաղաքապետի երդմնակալությունը բոյկոտեց Զարուհի Փոստանջյանը։ Նա ասաց, որ իրենց համոզմամբ Տարոն Մարգարյանն ապօրինի է ընտրվել, հետևաբար ապօրինի համարեց նաև քաղաքապետի երդմնակալությունը։
Նրան բարկացրեց նաև այն, որ քաղաքապետարանի մեծ ջահը միացված է։ Ավագանու անդամը կարծում է, որ անիմաստ ու անխնա կերպով էներգիա են վատնում։
Այդ ընթացքում քաղաքապետարանի շենքի երրորդ հարկում նրան մոտեցավ պատգամավոր Սամվել Ալեքսանյանը` ասելով` ուզում է Փոստանջյանի սենյակը տեսնել։ Մանրամասները դիտեք տեսանյութում և Ալինա Օրդյանի հաղորդաշարում։
