Սեպտեմբերի 23-ին և 24-ին Իջևանում անցկացված Մուլտի Ֆորս 2017 Թրոֆի Սփրինթին մասնակցելու համար տարբեր երկրներից Հայաստան էին եկել էքստրիմի սիրահարները (Հայաստան, Վրաստան, Ռուսաստան,Բելառուս, Իրան, Թուրքիա)։
Ավելի քան 60 մասնակից մեքենաները պետք է հաղթահարեին արհեստական և բնական խոչընդոտներով դժվարանցանելի ճանապարհները:
Հաղթողների անունները կհայտարարվեն շաբաթվա վերջին։ Հայտնի է, որ հաղթող են ճանաչվելու այն մարզիկները, որոնք ամենից արագ են հաղթահարել մրցուղին` նվազագույն տուգանային միավորներով։
Առաջին երեք հորիզոնականները զբաղեցրած մարզիկները կստանան դրամային պարգևներ, իսկ մրցարշավի ամենամեծ մրցանակը Ջիպ Վրանգլերն է։
Armenian 4x4 Off-Road ակումբի կազմակերպած Մուլտի Ֆորս 2017 Թրոֆի Սփրինթն այս տարի անցկացվում էր 6-րդ անգամ։