05:11 16 հուլիսի 2018
Ուղիղ եթեր
  • USD481.17
  • GBP631.92
  • EUR559.84
  • RUB7.73
Տեսանյութեր

Ռետինե կոշիկներ և դոփյուն. ինչպես են Հայաստանում «վախեցնում» իժերին

Ստանալ կարճ հղումը
Սա Հայաստանն է (39)
39120
© Sputnik . Karen Balayan , Hovhannes Hakobyan

«Սա Հայաստանն է» նախագծի հերթական թողարկման մեջ հեղինակներ Հովհաննես Հակոբյանն ու Կարեն Բալայանը պատմում են Հայաստանում տարածված իժերի ու այդ սողունների խայթոցից խուսափելու մասին։

Հայաստանում բնակվող 23 տեսակի օձերից թունավոր են միայն 4-ը, բոլորը` իժեր։ Դրանք են Դարևսկու իժը, լեռանատափաստանային իժը, կովկասյան գյուրզան և, իհարկե, հայկական իժը։

Մարդու և օձերի հանդիպումները գրանցվում են ապրիլից, երբ սողունները դուրս են գալիս քնից։ Սակայն խայթելու առավել շատ դեպքեր գրանցվում են գյուղատնտեսական աշխատանքների եռուն շրջանում` հունիս, օգոստոս և սեպտեմբեր ամիսներին։ Վտանգից խուսափելու 2 շատ արդյունավետ միջոց կա։ Առաջինը ռետինե երկարաճիտ կոշիկներն են, երկրորդը` դոփյունով քայլելը։ Օձերը գրեթե կույր են և չունեն լսողության օրգաններ, դրա փոխարեն ամբողջ մարմնով զգում են ցանկացած տատանում։ Երբ մենք դոփելով քայլում ենք, տատանում ենք առաջացնում, և իժերը, զգալով վտանգը, հեռանում են։

Իսկ ինչ անել, եթե օձն, այնուամենայնիվ, խայթել է մեզ։ Ոչ մի դեպքում չի կարելի խուճապի մատնվել, ինչն արագացնում է արյան շրջանառությունը։ Պետք է կանգնել ստվերոտ վայրում և մեծ քանակությամբ ջուր խմել։ Դաշտ դուրս գալուց առաջ ձեզ մոտ պահեք հեռախոս և բավարար քանակությամբ ջուր։

Հայաստանում տարածված 4 տեսակներից առավել վտանգավորը կովկասյան գյուրզան է, ապա հայկական իժը, մյուս երկու տեսակները` լեռնատափաստանային իժը և Դարևսկու իժը, գրեթե վտանգավոր չեն։

Եթե հակաթույն չենք ստացել, բնավ չի նշանակում, թե պիտի մեռնենք, որովհետև մեր իժերի թույնը մահացու չէ։ Մահով ավարտվող դեպքերը եզակի բացառություն են։ Մարդը մեռնում է ոչ թե թույնի տոքսիկ հատկությունների պատճառով, այլ ալերգիայի։

թեմա:
Սա Հայաստանն է (39)

Այլ տեսանյութեր

Գլխավոր թեմաներ