04:53 21 նոյեմբերի 2018
Ուղիղ եթեր
  • USD484.70
  • GBP622.16
  • EUR553.96
  • RUB7.38
Տեսանյութեր

Երևանում բանկից գումար հափշտակած Ցիգանկովին բերեցին Հայաստան. տեսանյութ

Ստանալ կարճ հղումը
131 0 0

Նա մտել էր Երևանի Սայաթ-Նովայի փողոցում գործող «Կոնվերս բանկի» մասնաճյուղ, սպառնացել կառավարչին, ստացել 200 հազար դոլարին համարժեք գումար ու հեռացել։

Հուլիսի 12-ին Վրաստանից Հայաստան էքստրադիցիայի ենթարկվեց հետախուզման մեջ գտնվող Պյոտր Ցիգանկովը: Հայաստանի Հանրապետության ոստիկանության և Վրաստանի ներքին գործերի նախարարության սերտ համագործակցության շնորհիվ նա հայտնաբերվել էր Վրաստանի տարածքում՝ 2017 թվականի դեկտեմբերի 17-ին: Այս մասին հայտնում է ՀՀ ոստիկանությունը։

Ցիգանկովը մի խումբ անձանց հետ կազմակերպել էր ավազակային հարձակում։

Անցած տարվա հոկտեմբերի 9-ին` ժամը 11-ն անց 5-ի սահմաններում, մի տղամարդ գործարք կատարելու պատրվակով մտել էր Երևանի Սայաթ-Նովայի փողոցում գործող «Կոնվերս բանկի» մասնաճյուղ ու թղթի վրա արված գրառումով սպառնացել կառավարչին՝ պահանջելով գումար:

Ստանալով 200 հազար դոլարին համարժեք գումար` նա հեռացել էր:

Հարուցվել էր քրեական գործ՝ ավազակային հարձակման հատկանիշներով:

Օպերատիվ-հետախուզական միջոցառումներով պարզվեց հանցագործությունը կատարած անձանց ինքնությունը և ձեռնարկվեցին միջոցառումներ նրանց հայտնաբերելու ուղղությամբ։

Ոստիկանության և Ազգային անվտանգության ծառայության աշխատակիցների ծավալուն օպերատիվ-հետախուզական միջոցառումների շնորհիվ դեպքի մյուս մասնակիցները հայտնաբերվեցին հոկտեմբերի 14-ի գիշերը:

Ցիգանկովի էքստրադիցիայով քրեական գործի վարույթը կամբողջանա:

Այլ տեսանյութեր

Գլխավոր թեմաներ