Արագած Ախոյանի խոսքով` «Ալյանսը» նոր կուսակցություն չէ ու ստեղծվել է դեռ 2015 թվականին։
«Հիշում եք` երբ մենք մի քանի պատգամավորով քաղաքական տրավմայի ենթարկվեցինք, ու Տիգրան Ուրիխանյանը ստեղծեց «Ալյանս» կուսակցությունը։ Շատ հարցերում մեր տեսակետները համընկնում են, ուստի որոշեցինք միասին մասնակից լինել մեր պետականաշինության գործին և մասնակցել խորհրդարանական արտահերթ ընտրություններին»,- ասում է Ախոյանը։
Նրա խոսքով` իրենք կառուցողական վարքագծի տեր մարդիկ են, սևին սև են ասել, սպիտակին` սպիտակ։
«Իսկ այն, ինչ տեղի էր ունենում, սխալ էր, ու մեր հասարակությունը երկշերտ էր»,- ասում է Ախոյանն ու նկատում, որ իրենք միշտ ներքևի շերտում են եղել։
Նրա խոսքով` հիմա ամեն ինչ փոխվել է ու գնում է դեպի նորը։ Բայց ինչ տեղի ունեցավ, դեռ քիչ է ու պետք է հաջորդ փուլին անցնել։
Արագած Ախոյանի հետ զրուցել է Աննա Վարդանյանը։
