Երեկ երեկոյան Հնդկաստանի Ամրիթսար քաղաքի մոտակայքում գնացքը մխրճվել է մարդկանց բազմության մեջ
Դեպքը տեղի է ունեցել Հնդկաստանի ազգային տոներից մեկի՝ Դաշահրայի տոնակատարության ժամանակ, որը նշվում է աշնանը: Մարդիկ կանգնած են եղել գնացքի ռելսերի վրա և տարված են եղել հրավառությամբ: Հենց հրավառության պայթյունների պատճառով էլ չեն լսել մոտեցող գնացքի ձայները: ԶԼՄ-ների տեղեկություններով` մոտ 700 մարդ է հավաքված եղել։
Վերջին տվյալով` մահացել են 61, տուժել` ավելի քան 70-ը։
Հնդկաստանի Փենջաբ նահանգում սուգ է հայտարարվել: Կառավարությունը հրահանգել է 500 հազար ռուփի վճարել (մոտ 6.8 հազար դոլար) մահացածների ընտանիքներին։