«Լապտերիկ» մանկապարտեզի տնօրենը 3 տարում 3.7 մլն դրամի յուրացում է կատարել։ Յուրացման հերթական դեպքի մասին հայտնում է ՀՀ ոստիկանության լրատվական ծառայությունը` վկայակոչելով ազգային անվտանգության ծառայությունից ստացված օպերատիվ տեղեկությունների հիման վրա ոստիկանության բացահայտման փաստերը։
Հաղորդագրության համաձայն` 2015-2018 թթ մանկապարտեզի տնօրենը տարբեր հաստիքներում աշխատանքի է հրամանագրել 7 քաղաքացու, որոնք բոլորն էլ իր մտերիմներն են, փաստացի չեն հաճախել աշխատանքի, իսկ նրանց անվամբ դուրս գրված, շուրջ 3.700.000 դրամ կազմող աշխատավարձերի գումարը տնօրենը յուրացրել է:
Յուրացման փաստով հարուցվել է քրեական գործ:
Նախաքննությունը շարունակվում է:
