Երիտասարդն իր անհավանական համարներով ապշեցրել է ռուսական «Ռոսիա 1» հեռուստաալիքով հեռարձակվող շոուի հանդիսատեսին ու ժյուրիին։
Նա վերցրել է փեսացու՝ Օլեգի ժամացույցը ու ստիպել երգչուհի Աննա Սեմենովիչին կոտրել այն մուրճով։ Բնականաբար, կոտրված ժամացույցն անհետացավ ու Ֆիլիպ Կիրկորովը գտավ այն ամենաանսպասելի տեղում։
Խալաֆյանի ամբողջ ելույթի ընթացքում Կիրկորովը ուշադիր հետևում էր տուփին, որը ձեռնածուն դրել էր նրա սեղանին։ Դա հաղորդավարուհի Մարիա Ֆեդունկիվին կատակի առիթ տվեց։
Կիրկորովը չխառնվեց իրար ու անկեղծորեն խոստովանեց, որ երիտասարդ էր, իսկ եթե հիմա հանդիպեր Պուգաչովային, ամեն ինչ այլ կերպ կլիներ։ Ինչ վերաբերում է ձեռնածուին՝ Կիրկորովը նրան կախարդ անվանեց։