Մարտի 2-ին Բրազիլիայի Սան Պաուլո քաղաքում անցկացված կառնավալում ներկայացվել էր նաև Հայաստանն իր պատմությամբ ու մշակույթով։
Այդ ամենն արվել էր Սան Պաուլոյում գործող «Rosas de Ouro» սամբայի դպրոցի նախաձեռնությամբ, պատմում է «Հայ-բրազիլական մշակութային–տնտեսական ֆորում» հասարակական կազմակերպության համահիմադիր Անի Գևորգյանը։
Նրա խոսքով` ավելի վաղ «Rosas de Ouro» սամբայի դպրոցի ներկայացուցիչներն այցելել են Հայաստան, ուսումնասիրել հայկական մշակույթն ու պատմությունը, եղել մեր երկրի տարբեր տեսարժան վայրերում։
Կառնավալում հայկական կողմի մասնակցության հարցում իր լուրջ ներդրումն ունի նաև «Հայ-բրազիլական մշակութային–տնտեսական ֆորում» հասարակական կազմակերպությունը, որը ջանքեր է գործադրում զարգացնել ու ամրապնդել հայ-բրազիլական կապերը։
