16:30 20 հունիսի 2019
Ուղիղ եթեր
  • USD477.53
  • GBP607.42
  • EUR539.80
  • RUB7.55
Տեսանյութեր

Ինչ է նեյրոմարքեթինգը և ինչպես է ազդում սպառողի ենթագիտակցության վրա. Անի Կյուրեղյան

Ստանալ կարճ հղումը
ՏԵՏ-Ա-ՏԵՏ (75)
70440

Եթե որպես մենեջեր ուզում եք կարդալ ձեր սպառողի վարքագիծը ենթագիտակցական մակարդակով, ապա պետք է տիրապետեք նեյրոմարքեթինգի գաղտնիքներին: Իսկ ի՞նչ է նեյրոմարքեթինգը: Sputnik Արմենիան «Տետ–Ա–Տետ» հաղորդաշարի ընթացքում այս մասնագիտության կիրառման նրբությունների մասին է զրուցել վարքագծային մարքեթինգի մասնագետ Անի Կյուրեղյանի հետ:

Մասնագետի խոսքով` նեյրոմարքեթինգը գիտություն է, որը թույլ է տալիս, օրինակ, ժամանակակից տեխնոլոգիաների միջոցով սպառողի վարքագիծը տնտղել ենթագիտակցական մակարդակով:

«Նեյրոմարքեթինգը մարքեթինգի, հոգեբանության և նևրոլոգիայի համատեղումն է, որն ուղղված է բրենդի ստեղծման, զարգացման և ներկայացման գործընթացը ճշգրտորեն պլանավորելուն: Նեյրոմարքեթոլոգներն ուսումնասիրում են գլխուղեղի ազդակները, որոնք խթանում են սպառողների որոշումների կայացման գործընթացը»,– ասում է Կյուրեղյանը:

Վարքագծային մասնագետի խոսքով` յուրաքանչյուր ընկերության զարգացման գործընթացում ճիշտ ղեկավարումն ամենակարևոր բաղադրիչն է: Իսկ ժամանակակից աշխարհը թելադրում է ճիշտ կառավարման իր օրենքներն ու հնարքները:

Կյուրեղյանի խոսքով` հետաքրքիր է նաև հենց «նեյրոմարքեթինգ» տերմինը: Այն նյարդաբիոլոգիա և մարքեթինգ բառերի միաձուլումն է:

«Նեյրոմարքեթինգը թույլ է տալիս հասկանալ սպառողի վերաբերմունքը արտադրանքի նկատմամբ: Հենց սա է նեյրոմարքեթինգի և ավանդական մարքեթինգի հիմնական տարբերությունը: Այն չի պահանջում գնորդի սուբյեկտիվ նախասիրությունների վերաբերյալ տվյալների հավաքագրում և վերլուծություն, բավարար են նրա էմոցիաներն ու ենթագիտակցության մի քանի այլ գործոններ»:

Նեյրոմարքեթինգը` որպես նոր գիտություն, իր առաջին քայլերն է անում Հայաստանում:

Մանրամասները՝ տեսանյությում։

թեմա:
ՏԵՏ-Ա-ՏԵՏ (75)

Այլ տեսանյութեր

Գլխավոր թեմաներ