01:41 27 մարտի 2019
Ուղիղ եթեր
  • USD486.15
  • GBP641.62
  • EUR550.13
  • RUB7.56
Տեսանյութեր

Քաշքշուկ ոստիկանների ու ցուցարարների միջև. ի՞նչ է կատարվում Երևանի կենտրոնում

Ստանալ կարճ հղումը
19810

Օպերայի հարակից տարածքում գտնվող սրճարանների քանդման դեմ պայքարողները փակել են Մաշտոց–Թումանյան խաչմերուկը։

Ցուցարարներից ոմանք պառկել են գետնին` ի նշան բողոքի։ Ոստիկանները փորձում են ազատել փողոցն ու վերականգնել երթևեկությունը։

Ցուցարարները վանկարկում են. «Ամոթ, ոստիկան», «Թողեք աշխատենք»։

Ոստիկանությունն այս պահին արդեն 5 ցուցարարի է բերման ենթարկել Մաշտոց–Թումանյան խաչմերուկից։

Ցուցարարները հանդիպում են պահանջում Երևանի քաղաքապետ Հայկ Մարությանի հետ։ Պահանջում են, որ նա գա ու իրենց պարզաբանում ներկայացնի, թե ինչու են որոշել քանդել իրենց աշխատավայր–սրճարանները։

Բողոքի ակցիան օպերայի հարակից տարածքում մեկնարկել էր դեռ մարտի 13-ին, երբ քաղաքապետարանը սկսել էր սրճարանների ապամոնտաժման աշխատանքները։

Տասնյակ մարդիկ հավաքվել էին Ազատության հրապարակում՝  պահանջելով  դադարեցնել ապամոնտաժումը։ Նրանք հայտարարում էին, որ գումար են ներդրել, բարեկարգել և կառուցապատել տարածքը, իսկ ապամոնտաժումը նրանց ֆինանսական վնասներ կհասցնի։ Բացի այդ, մեծ մասը  գործազուրկ կդառնա։

Երեկոյան 18։00 բողոքի ակցիայի ներկայացուցիչները հրավիրվել էին Երևանի քաղաքապետարան, որտեղ նրանց հետ հանդիպել էին քաղաքապետարանի աշխատակիցները։ Երևանի քաղաքապետը քննարկումներին չէր մասնակցել։

Հանդիպման ընթացքում քաղաքային իշխանության ներկայացուցիչները սրճարանների աշխատակիցներին խոստացել էին, որ գիշերը ծածուկ  չեն ապամոնտաժելու շինությունները։

Այդուհանդերձ, սրճարանների աշխատակիցները հանդիպումից դժգոհ էին մնացել։

Ըստ թեմայի

«Ես լա՜վ տղա եմ… էս երգն իմ մասին ա…». ապամոնտաժվող սրճարաններից «կարապի երգը» հնչեց
Գիշերային ապամոնտաժում չի լինի. գոնե մի հարցում համաձայնության եկան
Բողոքի ակցիա Երևանում. սրճարանների աշխատողները փողոց են փակել. տեսանյութ
Օպերայի սրճարանների ապամոնտաժման աշխատանքները դադարեցվել են
թեգերը:
Հայաստան

Այլ տեսանյութեր

Գլխավոր թեմաներ