20:51 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Տեսանյութեր

Гони рубль, родственник! Փաշինյանի խոսքերից հետո օգտատերերը հիշում են Դանելիայի ֆիլմերը

Ստանալ կարճ հղումը
67 0 0
Кадры из кинопроизведений к/с «Мосфильм»

ՀՀ վարչապետի սկանդալային հայտարարությունից հետո օգտատերերը սկսել են տարածել Դանելիայի «Աֆոնյա» ֆիլմի կադրերը։

Հինգշաբթի լույս ուրբաթ գիշերը Հայաստանի վարչապետ Նիկոլ Փաշինյանը Facebook-ի իր էջում գրել էր, որ իր ազգականը ենթադրյալ չարաշահումների համար կարող է հայտնվել քրեական գործի թիրախում ու նշել, որ իր «անմիջական ցուցումով» քրեական գործ է հարուցվել մերձավոր ազգականի թույլ տված ենթադրյալ չարաշահման փաստի առիթով։ Հենց դա էլ առաջացրել է վիրտուալ հանրության ակտիվիստների բուռն արձագանքը, և նրանք սկսել են տարածել «Աֆոնյա» ֆիլմի կադրերը, որում գլխավոր հերոսի խարիզմատիկ բաժակակիցն առավոտ կանուխ գոռում է բարձրահարկ շենքի պատշգամբների տակ․ «Բարեկա՜մ, մի ռուբլի տուր։ Աֆոնյան ինձ մի ռուբլի է պարտք»։

«Աֆոնյա» ֆիլմի ռեժիսոր Գեորգի Դանելիան կյանքից հեռացել է ապրիլի 4-ին 88 տարեկանում։ Նա նաև «Ես քայլում եմ Մոսկվայով», «Միմինո», «Աշնանային մարաթոն», «Կին–դզա–դզա», «Դարդ մի արա» (Не горюй) և մի շարք այլ հայտնի ֆիլմերի ռեժիսորն է։

Նրա «Աֆոնյան» 1975թ-ին դիտել են բոլորը։ Գլխավոր հերոսը՝ Լեոնիդ Կուրավլյովի կատարմամբ, այնքան հմայիչ է ստացվել, որ «Մոսֆիլմը» բազմաթիվ բողոքներ է ստացել խմող տղամարդկանց կանանցից, պատմել է ռեժիսորը։

Դանելիան եղել է նաև «Հաջողության ջենտլմենները» ֆիլմի սցենարի համահեղինակներից մեկը։

«Ես առաջին անգամ թույլ տվեցի ինձ սցենարում ավելացնել ստուգված ռեպրիզներ, որոնք միշտ ծիծաղ են առաջացնում՝ նմանակներ, կանանց հագուստով տղամարդիկ և այլն։ Եվ հետո «Հաջողության ջենտլմենների» սցենարը դարձավ բեսթսելեր», - հիշել է ռեժիսորը։

Այս տեսանյութում ներկայացված են մեծ ռեժիսորի ֆիլմերի լավագույն կադրերի ընտրանին։ Հիշենք այն, ինչ հավերժ է, դառնում է թևավոր խոսք ու մեջբերում՝ առանց չափազանցության դառնալով ժողովրդական բանահյուսության մաս։

Ըստ թեմայի

Մահացել է կինոռեժիսոր Գեորգի Դանելիան

Այլ տեսանյութեր

Գլխավոր թեմաներ