20:46 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Տեսանյութեր

Տարիներ անցան. ինչո՞ւ էր Գայանե Փայտյանը հարսանիքի օրն արտասվում «հնդկական» արցունքներով

Ստանալ կարճ հղումը
61210

Հաղորդավարուհի Գայանե Փայտյանի մանկությունն անցել է Նորքում` հեռուստաաշտարակի հարևանությամբ։ Բայց աշտարակը նրա համար ճակատագրի այնպիսի խորհրդանիշ չէր, ինչպիսին լինում է ծովափնյա բնակիչներ համար, որոնք երազում են նավաստի դառնալու մասին։ Նա ուզում էր երգչուհի դառնալ, հետո` բժիշկ, բայց ընտրեց եթերը, ու արդեն ավելի քան քառորդ դար է` ճեղքում է մեր էկրանների հեռուստաալիքները։

Գայանե Փայտյանի մանկությունը նման չէր մյուսներին։ Եթե հանգստյան օրերին տատիկի ու պապիկի տուն գնալը իրադարձություն էր երեխաների համար, ապա նրա դեպքում հակառակն էր։ Աշխատանքային օրերին ապրում էր տատի ու պապի մոտ` Նորքում, իսկ հանգստյան օրերին գնում էր ծնողների տուն` Շենգավիթ։

Նախորդ դարի 80–ականներին քաղաքի այդ հատվածում կյանքը յուրահատուկ էր։ «Հայրենիք» և «Սևան» կինոթատրոնները, որտեղ անընդհատ հնդկական ֆիլմեր էին ցուցադրում, երիտասարդների համար ժամանցի միակ վայրերն էին։ Գայանեն ու դասարանցիները ոչ մի նոր ֆիլմ բաց չէին թողնում։ Դերասանների կերպարներն ազդում էին նրանց վրա։

Տղաները փորձում էին էկրանի հերոսների պես հագնվել ու սանրվել`  ընդգծված «բախտ»–ով, սպիտակ և ջինսե հագուստով։ Իսկ ֆիլմերի պարզ սյուժեներն արցունքներ էին կորզում աղջիկների աչքերից։ Գայանեն խոստովանում է, որ հարսանիքի օրվա իր անդադար արցունքների պատճառը հաստատ հնդկական կինոյից ստացած մանկական տպավորություններն էին։ «Տարիներ անցան» ռադիոնախագիծը նվիրված է փողոցային խաղերին ու բակային մոռացված ավանդույթներին, հին հարևաններին, դպրոցական կյանքին ու անցյալի այլ պատմություններին։

Ըստ թեմայի

Տարիներ անցան. բակային ֆուտբոլը, գողացած դարպասն ու մարզական պայուսակում թաքցրած ջութակը
Տարիներ անցան. ինչպես դպրոցականը ջինսի պատճառով սիրահարվեց Զարմինե Զեյթունցյանին
Տարիներ անցան. Գեներալ Նիկոլայ Գրիգորյանը հիշում է` ինչպես էր գնդակ «տշում» և ձուկ բռնում
Տարիներ անցան. Նարինե Թուխիկյանի դպրոցական պատմությունները. ցատկ պատուհանից և շշով խաղ

Այլ տեսանյութեր

Գլխավոր թեմաներ