21:30 16 հուլիսի 2019
Ուղիղ եթեր
  • USD476.74
  • GBP593.49
  • EUR535.47
  • RUB7.60
Տեսանյութեր

Բողոքարկման հանձնաժողով՝ միայն հիմնավոր փաստարկներով. այդպիսիք շատացել են

Ստանալ կարճ հղումը
130 0 0

ՊԵԿ կազմակերպման և հսկողության վարչության բողոքարկման բաժնի պետ Արսեն Արզումանյանը Sputnik Արմենիայի հետ հարցազրույցում խոսել է հարկային և մաքսային մարմնի բողոքարկման հանձնաժողով դիմելու ընթացակարգերի, ողջ գործընթացի մասին, ինչպես նաև ներկայացրել բողոքարկման հանձնաժողովի գործունեության ամփոփ ցուցանիշները:

-Ե՞րբ կամ ո՞ր փուլում է հարկ վճարողը դիմում բողոքարկման հանձնաժողով: Արդյո՞ք դա տեղի է ունենում այն  վերջին փուլում, երբ այլևս հնարավոր չէ փոխել որոշումը:

-Այո, ըստ էության դա այդպես է, քանի որ կարող է բողոքարկվել հարկային կամ մաքսային մարմնի ընդունած վարչական ակտը կամ հարկային և մաքսային ծառայողների գործողությունը կամ անգործությունը, այսինքն այն պետք է դառնա վերջնական ակտ` առաջադրվի պարտավորություն, որի հետ հարկ վճարողը համաձայն չլինի, և նոր միայն կարող է դիմել բողոքարկման հանձնաժողով:

-Փուլ առ փուլ  կարող ե՞ք ներկայացնել,  թե այդ հանձնաժողով դիմելուց հետո հարկ վճարողը ինչ ընթացակարգեր է անցնում:

-Բողոքարկման հանձնաժողով դիմելու համար հարկ վճարողը պետք է ներկայացնի դիմում, որի ձևը սահմանված է ՊԵԿ նախագահի հրամանով, դիմումի ձևը տեղադրված է ՊԵԿ պաշտոնական կայքէջում: Հարկային օրենսգրքով սահմանված են որոշակի պահանջներ, որոնց առկայությունը դիմումի մեջ պարտադիր է: Օրինակ`բողոքի առարկան, բողոքաբերի պահանջը, նաև բողոքը ներկայացնող անձի ստորագրությունը: Ընդունած վարչական ակտը կարող է բողոքարկվել, այն ուժի մեջ մտնելուց հետո երկամսյա ժամկետում, իսկ հարկային և մաքսային ծառայողների գործողությունը կամ անգործությունը մեկ ամսվա ընթացքում: Դիմում-բողոքի քննարկման և դրա վերաբերյալ որոշման կայացման համար նախատեսված է 30 օրյա ժամկետ: Այս ընթացքում նաև արդեն իսկ բողոքարկման նիստի ժամանակ հարկ վճարողը իրավունք ունի ներկայացնել լրացուցիչ փաստարկներ և վիճարկել իր խնդիրը: Այս ողջ գործընթացից հետո, եթե  բողոքարկման հանձնաժողովը չի փոխում իր որոշումը, որի հետ դարձյալ հարկ վճարողը համաձայն չի լինում, ապա այս դեպքում հաջորդ քայլը դատարան դիմելն է, քանի  որ բողոքարկման հանձնաժողովի որոշումը կարող է վիճարկվել միայն դատական կարգով:

-Վերջին շրջանում  նկատվում է բողոք-դիմումների քանակի նկատելի ավելացում, ինչը կարող է  պայմանավորված լինել ինչպես հարկային մարմնի նկատմամբ հարկ վճարողների վստահության մեծացման, այնպես էլ իրազեկվածության բարձրացման հետ: Թվային պատկերը կներկայացնե՞ք։

-2019 թ. հունվարի 1-ից մինչև մարտի 20-ն ընկած ժամանակահատվածի  վիճակագրական տվյալները ևս դա են փաստում են. քննվել է 430 դիմում-բողոք և կայացվել որոշում, որոնց 60%-ը բավարարվել է: Նախորդ տարի նույն ժամանակահատվածի համար քննվել էր մոտ 133 որոշում, որոնց 50% բավարարվել:

Այսպիսով, շատ կարևոր է որպեսզի հարկ վճարողները տեղեկացված լինեն իրենց իրավունքների և պարտականությունների մասին, և մթնոլորտը լինի այնպիսին, որ թույլ տա կայացնել առողջ որոշում:

Մաքսային և հարկային մարմինները կաշկանդված չեն վիճակագրական տվյալներից և կարող են վերանայել, վերստուգել և փոփոխել իրենց իսկ կողմից ընդունած որոշումը, մյուս կողմից հարկ վճարողները պետք է հիմնավորված փաստարկներով ներկայացնեն, որպեսզի հասնեն խնդրի համար իրենց ցանկացած դրական որոշմանը:

թեգերը:
Պետական եկամուտների կոմիտե (ՊԵԿ)

Այլ տեսանյութեր

Գլխավոր թեմաներ