Թել Ավիվի համալսարանի գիտնականները պնդում են, որ իրենց հաջողվել է 3D տպիչով տպել մարդկային հյուսվածքներից կազմված առաջին սիրտը, որը կարող է ընդունել օրգանիզմը։ Գիտնականները վստահեցնում են, որ իրենց տպած արհեստական օրգանիզմում կան սրտի աշխատանքի համար բոլոր անհրաժեշտ անոթներն ու կոլագեն սպիտակուցը։ Այս մասին հայտնում է American Friends of Tel Aviv University–ն։
Հետազոտության ղեկավար ու հեղինակ Թալ Դվիրն ասել է, որ սա առաջին դեպքն է, երբ կարողացել են հաջողությամբ նախագծել և տպել ամբողջական սիրտը։
Նախագծի համար կենսաբանական թանաք է ծառայել «անհատականացված հիդրոգելը», որը բաղկացած է մարդու մարմնի ճարպային հյուսվածքներից։
Չնայած սրան` առայժմ վաղ է ասել, որ այսպիսի սիրտը կարող է ամբողջությամբ փոխարինել դոնորային սրտին. գիտնականները դեռ պետք է բազմաթիվ փորձարկումներ անցկացնեն և շտկեն ի հայտ եկած թերությունները։