00:59 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Տեսանյութեր

Տարիներ անցան. ինչպես էր Կարեն Քոչարյանը բանկա–փլավ խաղում և ինչու էին նրան Քոչինյան ասում

Ստանալ կարճ հղումը
28730

Հայտնի հեռուստահաղորդավար Կարեն Քոչարյանը մեծացել է Լերմոնտովի փողոցում, որը հետո վերանվանվել է Սայաթ Նովա պողոտա։

Նրա մանկությունն անցել է Երևանի սրտում` Կարապի լճից ոչ հեռու։ Նրանց սեփական տան տեղում հիմա գտնվում է Երգչախմբային ընկերության տունը։ 60–ականներին երևանցի երեխաների մոտ հայտնի է եղել բանկա–փլավ խաղը։ Նա նաև ֆուտբոլ է խաղացել և հեծանիվ քշել։

Կարենը հիշում է, թե ինչպես էին այն ժամանակ մեծահասակներն էլեկտրականության հաշվիչի մեջ ֆոտոժապավեն մտցնում` պտույտը դանդաղեցնելու համար։ Բացի այդ, նրա մանկության տարիներին շրջան է եղել, երբ ընկերները Քոչարյան ազգանունն արտասանել են ոչ թե Քոչարյան, այլ Քոչինյան, ինչպես Հայաստանի Կոմկուսի կենտկոմի առաջին քարտուղարինը։

Իսկ Ստանիսլավսկու անվան թատրոնի ներկայացման պրեմիերայի ժամանակ նույնիսկ զավեշտալի դեպք է տեղի ունեցել։ Դրան ներկա է եղել Անտոն Քոչինյանը, որը նստած է եղել առաջին շարքում։ Երբ ներկայացումն ավարտվել է, Կարենը կանգնած է եղել բեմի մոտ, իսկ հակառակ կողմից` նրա ընկերը, որը սկսել է բարձրաձայն կանչել. «Քոչինյա՛ն, բրավո գոռա»։

Մանկական անմիջականությունից ապշած առաջին քարտուղարը, չհասկանալով, որ իրեն չեն կանչում, այլ Կարեն Քոչարյանին, տեղից բարձրացել է ու մի քանի անգամ «բրավո» բղավել։

«Տարիներ անցան» ռադիոնախագիծը նվիրված է փողոցային խաղերին և մոռացված բակային ավանդույթներին, հին հարևաններին, դպրոցական կյանքին ու անցյալի այլ վառ պատմություններին։

Ըստ թեմայի

Տարիներ անցան. ինչպես էր Մամբրե պապը ճիպոտով վազում Վահան Արծրունու հետևից
Տարիներ անցան. Արմեն Թադևոսյանը ժամանակին կարծում էր` «Սիլաչիում» ուժեղ մարդիկ են ապրում
Տարիներ անցան. ինչո՞ւ էր Գայանե Փայտյանը հարսանիքի օրն արտասվում «հնդկական» արցունքներով
Տարիներ անցան. Նարինե Թուխիկյանի դպրոցական պատմությունները. ցատկ պատուհանից և շշով խաղ
Տարիներ անցան. Գեներալ Նիկոլայ Գրիգորյանը հիշում է` ինչպես էր գնդակ «տշում» և ձուկ բռնում
թեգերը:
Հայաստան, ԽՍՀՄ

Այլ տեսանյութեր

Գլխավոր թեմաներ