09:35 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Տեսանյութեր

Առաջարկում են նաև ֆանտաստիկ և անիրականանալի մտքեր. օրինակ` լողափ բացել Երևանում

Ստանալ կարճ հղումը
14920

Երևանի քաղաքապետարանը պաշտոնապես գործարկել է activecitizen.am հարթակը, որը քաղաքացիներին հուզող խնդիրների հավաքագրման և լուծումների միասնական որոնման միջոց է դառնալու:

Sputnik Արմենիայի հետ զրույցում նորաստեղծ հարթակի մասին խոսել է Երևան քաղաքի կառավարման տեխնոլոգիների կենտրոնի տնօրեն Սարգիս Մանուկյանը։

Քաղաքացիները ներկայացնում իրենց նորարար մտքերը, գաղափարները` լավագույն միջավայր ապահովելու համար. շատրվաններ, պուրակներ, արձաններ և այլն։ Հարթակը հնարավորություն կտա քաղաքացիներին ներկայացնել Երևանի ապագայի մասին իրենց գաղափարները։
Սարգիս Մանուկյանը նշել է, որ արդեն ստացել են մոտ 300 առաջարկ։

«Կան նաև ֆանտաստիկ առաջարկներ, որոնք, իհարկե, անհավանական են ու դժվար իրագործելի․օրինակ`մի քաղաքացի առաջարկել է մայրաքաղաքում լողափ բացել»,–ասել է Մանուկյանը։

Ծրագիրն իրականացնելու համար Երևանի քաղաքապետարանի բյուջեից հատկացվել է 500 մլն դրամ։
Քաղաքացիների այն նախագծերը, որոնք կհավաքեն ավելի շատ ձայն, բյուջեի սահմաններում կիրականացվեն։

Մանուկյանի գնահատմամբ`առաջարկների քննարկման և քվեարկության արդյունքների թափանցիկությունն ապահովելու նպատակով ներդրվել են տեղեկատվական տեխնոլոգիաների ոլորտի արդիական և լավագույն մեթոդները. մասնավորապես, բոլոր առաջարկները եւ քվեարկության արդյունքները մշակվելու են Blockchain տեխնոլոգիայի միջոցով։

Առաջարկները կհավաքեն մինչև սեպտեմբերի 30–ը, ապա կհրապարակվեն ու կսկսվի քվեարկությունը` լավագույն նախագծի օգտին։

թեգերը:
Երևանի քաղաքապետարան, Երևան

Այլ տեսանյութեր

Գլխավոր թեմաներ