11:46 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Տեսանյութեր

Ինչ կատարվեց դատարանի բակում Քոչարյանի վերաբերյալ որոշումը հրապարակելուց հետո. տեսանյութ

Ստանալ կարճ հղումը
315 0 0

ՀՀ երկրորդ նախագահ Քոչարյանին կալանավայրում թողնելու որոշումը երկակի արձագանքի արժանացավ դատարանի բակում։

Այսօր Երևանի ընդհանուր իրավասության դատարանի Շենգավիթի նստավայրում ՀՀ երկրորդ նախագահ Ռոբերտ Քոչարյանի խափանման միջոցը փոխելու միջնորդության վերաբերյալ որոշումը հրապարակելուց հետո դատարանի բակում աղաղակ բարձրացավ։

Դատարանի բակում հավաքվել էին Քոչարյանի կողմնակիցներն ու ընդդիմադիրները։

Դատարանի որոշումը լսելուց հետո մի խումբ մարդիկ, «Քոչարյանին դատել են» և «Հաղթանակ» վանկարկելով, սկսեցին երթ իրականացնել։ Իսկ կողմնակիցները շարունակեցին գոռալ. «Կեցցե Ռոբերտ Քոչարյանը»։

Քոչարյանի փաստաբանները նոր միջնորդություն ներկայացրին. կալանքի հիմքեր չկան

Հիշեցնենք, որ հունիսի 25–ին ՀՀ Վերաքննիչ քրեական դատարանի դատավոր Արմեն Դանիելյանը որոշում կայացրեց կրկին կալանավորել Քոչարյանին, իսկ նրա և մյուսների վերաբերյալ գործի վարույթը կասեցնելու Առաջին ատյանի դատարանի դատավոր Դավիթ Գրիգորյանի որոշումը բեկանել և գործն ուղարկել նոր քննության։ Սակայն Առաջին ատյանի դատավորը, որը պետք է քններ Քոչարյանի գործը, Դավիթ Գրիգորյանն է, որի լիազորությունները ժամանակավորապես դադարեցվել են։ Գրիգորյանի դեմ քրգործ էր հարուցվել։ Ավելի ուշ Քոչարյանի գործը մակագրվեց Աննա Դանիբեկյանին։

Դանիբեկյանն այսօր հրապարակեց որոշումը, ըստ որի` Քոչարյանը կմնա կալանքի տակ։

Ըստ թեմայի

Քոչարյանի որդին չի բացառում Վանեցյանի պաշտոնանկության ու Մարտի 1-ի գործի հնարավոր կապը
«Եթե փախնող լինեի, այսօր Ստեփանակերտում ադրբեջանցիք թեյ խմելիս կլինեին». Քոչարյան
Քոչարյանը կարող է ազդել մարտի 1-ի սպանությունների բացահայտման վրա. դատախազ
թեգերը:
Դատարան, Ռոբերտ Քոչարյան, Հայաստան

Այլ տեսանյութեր

Գլխավոր թեմաներ