09:47 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Տեսանյութեր

Սարոյան եղբայրները. ինչպես անկախության հանրաքվեն կռվախնձոր դարձավ Գալստյանների ընտանիքում

Ստանալ կարճ հղումը
Անկախության օր (28)
43150

Գալստյան եղբայրներից ավագը Հայաստանի անկախության հանրաքվեին «դեմ» քվեարկած քաղաքացիներից մեկն է։ Կրտսեր եղբայրը շատ է ջանում, բայց չի հասկանում ավագին։ Նրանց քաղաքական հայացքները գրեթե երբեք չեն համընկնում։

Գալստյանների ընտանիքում ամեն ինչ ներդաշնակ է, բացի քաղաքական հայացքներից։ Եղբայրները` Խաչիկն ու Գառնիկը, ջանում են խուսափել քաղաքական թեմաներից, քանի որ խոսակցությունը գրեթե միշտ ավարտվում է վեճով։ Առաջին կռվախնձորը եղել է 1991 թվականին, երբ հանրաքվեին մասնակցած քաղաքացիների 95,5%–ը կողմ քվեարկեց Հայաստանի անկախացմանը, իսկ Խաչիկը` դեմ։

Նա այդ մասին շատ ավելի ուշ խոստովանեց. գիտեր, որ ընտանիքը նրան չի հասկանա և չի ողջունի։

Նույնիսկ շուրջ 30 տարի անց եղբայրը, թեև հասկանում է` ինչու է Խաչիկը դեմ քվեարկել, բայց չի կարողանում ընդունել նրա ընտրությունը։

«Այո, «սովետի» ժամանակ նրա համար մեծ ապագա կար, բայց պետության շահերը պետք է միշտ բարձր լինեն անձնականից։ Մենք միշտ երազում էինք անկախության մասին, իսկ հիմա մենք այդ անկախությունը պետք է պահպանենք և ամրապնդենք», – պնդում է Գառնիկը։

Իսկ Խաչիկը ժպտում և գլուխն է օրորում, որովհետև անկախությանը դեմ է քվեարկել` նույնպես ազգային շահերի մասին մտածելով։ Նա այսօր էլ է համոզված, որ մեծ գերտերությունում, որը վախ է ներշնչում, շատ բանի կարելի է հասնել։ Մինչև հիմա էլ համոզված է, որ եթե ԽՍՀՄ–ը չփլուզվեր, ապա Հայաստանի տեխնիկական, տնտեսական զարգացումն ավելի բարձր մակարդակում կլիներ։

«Չգիտեմ` այն ժամանակ ճիշտ եմ վարվել, թե ոչ, բայց համարյա 30 տարի է անցել, ու ես առաջընթաց չեմ զգում: Ստացվում է` ես ճիշտ եմ», – ասում է ավագ եղբայրը։

Այստեղ արդեն դժգոհում է Գառնիկը։ Կատակում է, որ իրենք «ժամանակակից Սարոյան եղբայրներն» են, որովհետև նույն տանիքի տակ ապրելով` տարբեր կուսակցությունների են «երկրպագում». մեկն իշխանամետ է, մյուսը` ընդդիմադիր։ Նրանց հայացքները տարբեր են նաև արտաքին քաղաքականության հարցում։

Եղբայրները համոզված են` վեճը երբեք էլ չի ավարտվելու, բայց քաղաքականության պատճառով տարաձայնությունները ծեծկռտուքի հաստատ չեն հասնելու։ Նրանք հա՛մ իրար են սիրում, հա՛մ հայրենիքը։

թեմա:
Անկախության օր (28)

Ըստ թեմայի

Նրանք սպասում էին այդ օրվան, կամ անկախությունը` սյունիքցիների աչքերով. լուսանկարներ
«Ծո՛, ինչղ լավ է, հբը օր կսեինք` աշխարհի կենտրոնը Գյումրին է». տոնական հայրաքաղաքը
Գագիկ Սուրենյանը ճիշտ էր, բայց ժողովուրդը չի շտապում լքել Գյումրին
թեգերը:
Անկախության օր, Հայաստան

Այլ տեսանյութեր

Գլխավոր թեմաներ