«Էրեբունի» օդանավակայանում այսօր բռնկված հրդեհը արդեն հաջողվել է մարել։ Դեպքի վայր էր մեկնել 10 մարտական հաշվարկ։ ՃԿԿ Արտակարգ իրավիճակների արձագանքման խմբի պետ Հակոբյանը լրագրողների հետ զրույցում ասել է, որ մարման աշխատանքները մոտ երկու ժամ են տևել։
«Էրեբունի» օդանավակայանի հրդեհը մարվել է. լուսանկարներ
«Այրվել է մոտ 1300 քառակուսի մետր տանիք և գույք` անվադողեր, ինքնաթիռի շարժիչ։ Տուժածներ չկան։ Հրդեհի բռնկման պատճառը դեռ պարզ չէ»,–ասել է Հակոբյանը։ Նշենք, որ «Էրեբունի» օդանավակայանի տարածքը, որտեղ հրդեհաշիջման աշխատանքներ են կատարվել, պատկանում է Քաղավիացային։
