02:07 10 դեկտեմբերի 2019
Ուղիղ եթեր
  • USD477.97
  • GBP628.91
  • EUR528.87
  • RUB7.49
Տեսանյութեր

«Գազի հետ կապված դժբախտ պատահարների հիմնական պատճառն ինքնագործունեությունն է». Նալբանդյան

Ստանալ կարճ հղումը
Sputnik զրույց (138)
3314 0 0
© Sputnik /

«Էյ-Ի-Ջի Սերվիս» ՍՊԸ-ի գլխավոր տնօրեն Արման Նալբանդյանը «Sputnik զրույց» հաղորդման շրջանակում անդրադարձել է բնական գազի անվտանգ օգտագործման հարցին, նշել որտում առկա խնդիրները և խոսել բաժանորդների ինքնագործունեության դրսևորումների մասին:

Արման Նալբանդյանն ընդգծել է, որ Գազասպառման համակարգում որևէ գործողություն կատարելու ժամանակ բաժանորդն անպայման պետք է դիմի տարածքային սպասարկողին: Տարին երկու անգամ՝ ձմեռային և ամառային սեզոնին, իրենց մասնագետներն անպայման այցելում են բաժանորդներին,  ստուգում  գազասպառման համակարգը:
Խախտումներ արձանագրելու դեպքում հնարավորության դեպքում հենց տեղում շտկում են, եթե հնարավոր չի լինում այդ պահին, կազմում են խախտման արձանագրություն, անջատում տվյալ գազասարքը, մինչև խախտումները շտկվեն: Sputnik Արմենիայի հետ զրչույցում այս մասին ասաց «Էյ-Ի-Ջի Սերվիս» ՍՊԸ-ի գլխավոր տնօրեն Արման Նալբանդյանը։

Փորձանքը մեկ անգամ է գալիս. Փաշինյանը` շմոլ գազից մահացած տատի ու 4 թոռների մասին

Մասնագետը պնդում է, որ խախտման արձանագրությունը չի ենթադրում որևէ տույժ, տուգանք, ընդամենը բխում է բաժանորդի շահերից. իր անվտանգության համար է:

«Բնական գազի հետ կապված դեպքերի հիմնական պատճառը բաժանորդների կողմից ինքնագործունեությունն է՝ ինքնուրույն տեղադրում են վառարաններ, տեղափոխում, փոխում գազասարքերը, սակայն այդ ամենը պետք է կատարվի մասնագետների կողմից: Բաժանորդների մոտ այն կարծիքն է, թե  ձայնանշանային անվտանգության համակարգը շատ հոսանք է ծախսում ու անջատում են, բայց այդ համակարգն ամսվա ընթացքում ընդամենը 25 դրամի չափով հոսանք է սպառում: Սարքը պետք է 24 ժամ միացված լինի առանձին վարդակի»,- նշում է Արման Նալբանդյանը:

Մասնագետի փոխանցմամբ՝ տարեկան բաժանորդների 1/3 չափով կազմվում է արձանագրություն։ Խոսքը մոտավորապես 150 հազար բաժանորդի մասին է, բայց  ոչ բոլորն են այն տիպի խախտումներ, որոնք կարող են բերել թունավորման կամ մահվան:

«Գազպրոմ Արմենիայից» բողոքել են. գազի նոր ծառայությունը տեղ է փնտրում Երևանի շուկայում

թեմա:
Sputnik զրույց (138)

Ըստ թեմայի

Շմոլ գազից թունավորվելու հերթական դեպքը Հայաստանում. երեխաներ են հիվանդանոց տեղափոխվել
Գազաբալոնների անվտանգ շահագործման հարցը մնում է խնդրահարույց. Մկրտիչ Տիգրանյան 
«Նա ի՞նչ մայր է». շմոլ գազից մահացածների հարևանները պատմում են ընտանիքի մասին
թեգերը:
«Էյ-Ի-Ջի Սերվիս» ՍՊԸ, Արման Նալբանդյան, գազ

Այլ տեսանյութեր

Գլխավոր թեմաներ