Գլոբալիզացիայի համաձայն՝ աշխարհը մի տուն է, որտեղ բոլորն աշխարհի քաղաքացիներ են, և որտեղ գերապատվություն է տրվում մարդուն՝ որպես բացարձակ արժեքի: Պետական պատկանելիության հիմքի վրա այդ արժեքները կրելու և դրանց համար պայքարելու, յուրաքանչյուր րոպե պետությունը փոխելու տրամադրություն ունեցող տեսակի հետ գործ ունենք, որին ի վերջո հանում են պետության դեմ: Sputnik Արմենիայի հետ զրույցում այս թեզը վկայակոչեց «Մեկ Հայաստան» կուսակցության նախագահ Արթուր Ղազինյանը։
Բոլոր խնդիրները լուծվում են. Պուտինի օգնականը` Երևանի և Մոսկվայի հարաբերությունների մասին
«Այսինքն՝ մարդու կողմից պետության դեմ կռիվ է, որովհետև մարդն այսօր ապրում է Հայաստանում, վաղը կարող է ապրել մեկ այլ վայրում: Նրա համար պետություն, հայրենիք, ազգ ընկալումները բավականին սահմանափակ են, և նրանք ունեն կոսմոպոլիտ մտածողություն»,-ասում է «Մեկ Հայաստան» կուսակցության նախագահը:
Ղազինյանի կարծիքով՝ այդ պարագայում գտնում են նյութը, բավական երկար աշխատում են նրա հետ, տրամադրվում են շատ լուրջ ֆինանսական միջոցներ այդ շերտի հետ աշխատելու համար: Նրանք աղմկոտ են, մոտիվացված են ու կարողանում են հասարակության մեջ մեծամասնության տպավորություն ստեղծել:
Ղազինյանն անդրադառնում է նաև ՀՀ վարչապետ Նիկոլ Փաշինյանին։
«Երբ մարդուն ասում են, որ դու երեք միլիոնի վարչապետ ես և ամեն ինչ դու ես որոշելու, նա ի վերջո դա սկսում է ընդունել և մտածում, որ այդ դեպքում պետությունն ո՞վ է, որ իր փոխարեն որոշում ընդունի կամ սահմանափակի իր գործողությունները: Արդյունքում պետությունը դառնում է խոչընդոտ վարչապետի ինքնաիրացման ճանապարհին, որին ասել են, որ երեք միլիոնի վարչապետ է, ուստի ամեն ինչ ինքնուրույն որոշելու տրենդն ինչ-որ պահի բախվում է պետության կողմից մշակված կանոնակարգման հետ, և մարդն ընդդեմ պետության բախումը դառնում է անխուսափելի»,- նշում է նա:
«Երբ հեղափոխությունը դատարկ մի պղպջակ է». Վանեցյանը կրկնել է կաթողիկոսի խոսքը
Համլետ Մարտիրոսյանն իր հերթին նշում է, որ տեխնիկական թռիչքը, գիտության զարգացումը, որը գրանցվել է մարդկության պատմության զարգացման ընթացքում, տեղի է ունեցել հոգևորի ու բարոյականության անկմանը զուգահեռ: Այսօրվա գիտությունը գնում է այն ճանապարհով, որ երբ մի հայտագործություն է արվում, առաջին հերթին մարդը մտածում է, թե ինչպես այն որպես զենք օգտագործի իր նմանին սպանելու համար:
