09:17 29 մարտի 2020
Ուղիղ եթեր
  • USD498.43
  • GBP608.88
  • EUR548.22
  • RUB6.40
Տեսանյութեր

Անառակ որդու վերադարձը. «Ֆրանկլին Գոնսալեսին» Չեխիայից տեղափոխել են Հայաստան. տեսանյութ

Ստանալ կարճ հղումը
165910

Սերժ Սարգսյանի եղբորորդին` Չեխիայում որպես Ֆրանկլին Գոնսալես ներկայացող Նարեկ Սարգսյանը, տեղափոխվեց Հայաստան։ Նա տարեմուտը «կդիմավորի» հայրենիքում։

ԵՐԵՎԱՆ, 21 դեկտեմբերի– Sputnik. Այսօր ոստիկանության ծառայողների ուղեկցությամբ Չեխիայից Հայաստան տեղափոխվեց Նարեկ Սարգսյանը` ՀՀ երրորդ նախագահ Սերժ Սարգսյանի եղբորորդին։ Այս մասին տեղեկացնում է ՀՀ ոստիկանության հասարակայնության հետ կապերի վարչությունը։ Հիշեցնենք, որ ՀՀ գլխավոր դատախազի խորհրդական Գոռ Աբրահամյանը դեկտեմբերի 10-ին տեղեկացրել էր, որ Չեխիայի Հանրապետության իրավասու մարմինների կողմից որոշում է կայացվել բավարարել հետախուզվող Նարեկ Սարգսյանին քրեական հետապնդման ենթարկելու նպատակով Հայաստանի Հանրապետության իրավապահ մարմիններին հանձնելու մասին` Հայաստանի Հանրապետության գլխավոր դատախազության միջնորդությունը։

ՀՀ իրավապահներն արդեն մեկ տարի սպասում էին Չեխիայի իշխանությունների այս որոշմանը։

Միջազգային հետախուզման մեջ գտնվող Նարեկ Սարգսյանը հայտնաբերվել և ձերբակալվել էր 2018թ.–ի դեկտեմբերի 6-ին Պրահայում։ Հայտնաբերման պահին նա ներկայացրել է Գվատեմալայի քաղաքացու կեղծ անձնագիր՝ Ֆրանկլին Գոնսալեսի անհատական տվյալներով:

Նարեկ Սարգսյան–Ֆրանկլին Գոնսալեսին հայտնաբերել են մեկ այլ անձի միջոցով. «Ժողովուրդ»
Նարեկ Սարգսյանի հայտնաբերման մասին տեղեկությունը փոխանցվել էր ՀՀ գլխավոր դատախազությանը՝ նրա` Հայաստան տեղափոխելու գործընթացը կազմակերպելու նպատակով: Այդ պահից սկսած` Գլխավոր դատախազությունը հայտարարում է, որ ներկայացրել է անհրաժեշտ փաստաթղթերն ու սպասում է չեխական կողմի պատասխանին։

Ոստիկանությունը գտել է Ալեքսանդր Սարգսյանի որդուն. նա թաքնված էր Ֆրանկլին Գոնսալեսի անվամբ

2018թ.–ի հունիսի 26-ին հարուցվել էր քրեական գործ՝ քրեական օրենսգրքի ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով:

2018թ.–ի հուլիսի 6-ին Նարեկ Սարգսյանի նկատմամբ հայտարարվել էր հետախուզում, հուլիսի 24-ին՝ միջազգային հետախուզում:

Ըստ թեմայի

Գոնսալեսը Հայաստանի սահմանը հատել է Սարգսյան ազգանունով. Օսիպյան
Հայտնի է` երբ տեղի կունենա Նարեկ Սարգսյան–Գոնսալեսի արտահանձնումը. «Իրավունք»
«Ամեն մեկը փախնում է իր գյորա». Արթուր Դավթյանը` դրսում հայտնված նախկին պաշտոնյաների մասին
Սերժ Սարգսյանի եղբորորդուն կարտահանձնեն Հայաստանին
թեգերը:
Հայաստան, Ֆրանկլին Գոնսալես, ՀՀ Ոստիկանություն, Ոստիկանություն, Նարեկ Սարգսյան, Սերժ Սարգսյան

Այլ տեսանյութեր

Գլխավոր թեմաներ