19:31 12 օգոստոսի 2020
Ուղիղ եթեր
  • USD485.00
  • GBP632.83
  • EUR570.60
  • RUB6.64
Տեսանյութեր

Լիբանանից հարս է եկել Ներքին Կարմիրաղբյուր. գյուղական կոլորիտով չքնաղ հարսանիք. տեսանյութ

Ստանալ կարճ հղումը
409030

Լիբանանահայ Արշալույսի և տավուշցի Արմենի հարսանիքի փոքրիկ տեսանյութը գրավել է սոցցանցերի օգտատերերի ուշադրությունը։ Նրանք անսպառ շնորհավորանքներ են գրել` նշելով, որ հարսանիքը առանց ավելորդ ջղաձգումների էր, բոլորը մեծից փոքր պարզ էին ու անկեղծ։

Լիբանանահայ Արշալույս Ամսին հարս է եկել Տավուշի սահմանամերձ Ներքին Կարմիրաղբյուր գյուղ։ Համացանցում հայտնվել է նրա ու տավուշցի Արմեն Գալստյանի հարսանիքի մոնտաժված տարբերակը. յուրահատուկ ու հետաքրքիր դրվագներով լի հարսանիք, որտեղ զգացվում է գյուղական մաքրությունն ու պարզությունը։

Հարսի կողմը հարսանիքին սկսում է պատրաստվել ռազմահայրենասիրական երգով. հայրենիքի կարոտը հենց այստեղից է զգացվում։ Հետո երևում է սարերի մեջ ծվարած սահմանապահ գյուղի չքնաղ կոլորիտով ողողված գյուղական կենցաղը` լվացք փռել, հարսանիքի ուտեստներ պատրաստել... Իսկ լիբանանահայ հարսիկը վարսավիրանոցից վերադառնում է գյուղական հին «Ժիգուլիով»։

Նրա հոլիվուդյան ժպիտից զգացվում է, որ շատ է սիրում Արմենին, իսկ Արմենն այդ ընթացքում սրտատրոփ պատրաստվում է հարսի հետևից գնալուն։ Սիրելի ուսուցչուհու ուրախությանը միանում են նաև աշակերտները, որոնք հերթով շտապում են նրան շնորհավորելու։ Նրանք անգամ «բողոքի ակցիա» են կազմակերպել` իրենց հետ բերելով «Արմեն հեռացիր, միսս Արշոյին մոռացիր» պաստառը։

Աղջիկն` օրական, բաժինքը՝ տարեկան, կամ ինչ օժիտ են տարել գյումրեցի աղջիկները

Sputnik Արմենիային հաջողվեց պարզել, որ Արշալույս Ամսին հայրենիք է եկել «Դասավանդիր, Հայաստան» երկամյա ծրագրի շրջանակում։ Նրան գործուղել են Տավուշի Ներքին Կարմիրաղբյուր սահմանապահ գյուղի դպրոց։ Արշոն ապրում էր Արմենի հորեղբոր տանը, հենց այնտեղ էլ երիտասարդը տեսել է աղջկան, սիրահարվել ու նվաճել նրա սիրտը։

Հայ տղան «ԱԱԾ»-ի օգնությամբ ամուսնության առաջարկ է արել սիրեցյալին. տեսանյութ

Տավուշի թեմի առաջնորդ Բագրատ սրբազանն օրհնում է երիտասարդների միությունը, իսկ ամբողջ գյուղն անկեղծ սրտով ուրախանում նրանց հարսանիքին։

Ըստ թեմայի

Հարսանիք ուրբաթ 13–ին. Քսենյա Սոբչակը հղի է ամուսնանո՞ւմ
Չինացի տղամարդը կեղծ հարսանիք է կազմակերպել` խաբելով հյուրերին ու «հարսնացուին»
«Հարսանիք Շուշիում» օպերացիան սկսված է. Արմեն Գրիգորյանը հարսանեկան լուսանկար է հրապարակել
թեգերը:
սահմանամերձ գյուղեր, սահմանապահ, գյուղացի, Գյուղ, փեսա, Լիբանան, հարս, Տավուշ, հարսանիք

Այլ տեսանյութեր

Գլխավոր թեմաներ