Երկիրը, որն ունի կրթական համակարգի լրջագույն խնդիրներ, 7-8 տարի շարունակ չի կարողանում ստեղծել ռազմավարական փաստաթուղթ, որը կնախանշի, թե ինչ ուղով է զարգանալու կրթությունը։ Sputnik Արմենիայի եթերում այս մասին ասաց կրթության փորձագետ Սերոբ Խաչատրյանը։
«Ես ունեի ակնկալիք, որ 2019թ–ին գոնե կրթության զարգացման պետական ծրագիրը կամ ռազմավարությունը կլինի։ Դա մեզ օդ ու ջրի պես անհրաժեշտ է»,– ասաց նա։
Արդյունքում, ըստ Խաչատրյանի, կրթության հանրային օրակարգը շարունակում է մնալ անորոշ։
Կանգնել «տաբուրետկայի՞ն», թե՞ համբերել. Անափիոսյանը` կրթական համակարգի բարեփոխման մասին
«Դպրոցներում ու բուհերում այսօր հետաքրքիր իրավիճակ է ստեղծվել։ Տեղի ունեցավ հեղափոխություն, և մարդիկ սպասում են նոր աշխատաոճի։ Նախկին համակարգն ուներ իր աշխատաոճը, որը շատ հարցերում արատավոր էր, անընդունելի էր, կային կոռուպցիոն երևույթներ, կար կուսակցականացվածություն։ Բայց դա որոշակի համակարգ էր։ Հեղափոխությունը չընդունեց այդ համակարգը, և լավ է, որ չընդունեց։ Բայց հիմա մարդիկ դպրոցներում և բուհերում ուզում են հասկանալ, թե հիմա ինչ աշխատաոճ է լինելու»,– ասաց Խաչատրյանը`մեկնաբանելով, որ ուսուցիչներից շատերը չեն պատկերացնում` բարձրաձայնեն խնդիրները, թե լռեն։
Ըստ փորձագետի` 2019թ–ը կրթության ոլորտում արտահայտվել է հիմնականում անորոշությամբ, որը հանգեցրել է պասիվ վիճակի։
Այդուհանդերձ, խնդիրները կրթության համակարգում շատ են։ Խաչատրյանի խոսքով` ուսանողների մեծ մասը չի ցանկանում սովորել, դասախոսների մեծ մասը չի կարողանում կամ չի ցանկանում սովորեցնել։
«Եթե ամեն օր դասեր են տեղի ունենում, դեռ չի նշանակում, որ ունենք համակարգ։ Իսկ եթե համակարգ չկա, ի՞նչն ենք բարեփոխում»,– ասում է Խաչատրյանը։
Դպրոցական դասագրքերը կփոխվեն. առաջինը նոր գրքերով կսովորեն Տավուշի աշակերտները
Ստեղծված իրավիճակից դուրս գալու ճանապարհը ոչ թե համակարգը բարեփոխելն է, որի մասին հայտարարում է ԿԳՄՍ նախարարությունը, այլ նոր համակարգ ստեղծելը։
Ինչ են մտածել սփյուռքահայ ուսանողները գյուղը զարգացնելու և երկիրն անվտանգ պահելու համար
