01:03 21 փետրվարի 2020
Ուղիղ եթեր
  • USD478.37
  • GBP617.34
  • EUR516.69
  • RUB7.50
Տեսանյութեր

«Պնդում եմ` ԿԳՄՍ-ում մեր ծրագրի դեմ սաբոտաժ է իրականացվել». Վարդանյան

Ստանալ կարճ հղումը
Sputnik զրույց (180)
107940

Առաջատար տեխնոլոգիաների ձեռնարկությունների միության գործադիր տնօրեն Կարեն Վարդանյանը Sputnik Արմենիայի հետ զրույցում խոսել է ԿԳՄՍ նախարարության`հանրակրթական դպրոցներում ինժեներական լաբորատորիաների հիմնադրման ֆինանսավորումը դադարեցնելու մասին:

ԿԳՄՍ նախարարությունում «Արմաթ» ծրագրի նկատմամբ իրականացվել է սաբոտաժ, այն դեպքում, երբ ՀՀ կառավարությունում նախապես մտադիր էին Հայաստանի բոլոր դպրոցներն այս տարի համալրել ինժեներական լաբորատորիաներով: Այս մասին Sputnik Արմենիայի հետ զրույցում ասաց առաջատար տեխնոլոգիաների ձեռնարկությունների միության գործադիր տնօրեն Կարեն Վարդանյանը։

Նրա հաղորդմամբ՝ ծրագրի առկախման դեպքում յուրաքանչյուր տարվա կորուստը կկազմի 20 մլն դոլար:

«Լաբորատորիաները մենակ սարքավորումները չեն, նաև խմբակավարների վերապատրաստումներն են, դուք պատկերացրեք՝ ինչպես և որտեղից պետք է կարողանանք խմբակավար գտնել հեռավոր գյուղերում ռոբոտաշինություն դասավանդելու համար, մրցույթներն են, որ կապ են ստեղծում միմյանց միջև, առանց որի ծրագիրը, համակարգը չի աշխատի»,- ասաց նա։

Խնդրահարույցն այն է, որ սարքավորումների տեղադրումը, լաբորատորիաների աշխատանքների կազմակերպումը, խմբակավարների վերապատրաստումներն ու մրցույթների կազմակերպումը մնում են առանց ֆինանսավորման:

Հայաստանի դպրոցների 50 տոկոսում մինչև տարեվերջ «Արմաթ» լաբորատորիաներ կգործեն

«Մենք դեմ չենք, որ դպրոցներում լաբորատորիաներ հիմնելու պրոցեսը կազմակերպվի մրցութային կարգով: Դաշտում մոնոպոլ դիրք չունենք, պարզապես ուրիշ խաղացող չկա: Բացի այդ, «Արմաթ» ծրագրի հեղինակը մենք ենք, ժամանակին կառավարությունում ներկայացրել ենք մանրամասնորեն, ինչն էլ արժանացել է գործադիրի հավանությանը»,- նշեց Առաջատար տեխնոլոգիաների ձեռնարկությունների միության գործադիր տնօրենը:

Անկախ այն հանգամանքից, թե ինչպիսի հանգուցալուծում կունենա միության և նախարարության միջև առաջացած հակասությունը, Կարեն Վարդանյանը պատրաստակամ է ծրագիրն ավարտին հասցնել նույնիսկ այն դեպքում, եթե կառավարությունից որևէ ֆինանսավորում չլինի:

«Արմաթ» լաբորատորիա. Հայաստանում երեկվա դպրոցականները կատարելագործում են ռազմատեխնիկան

Ավելի վաղ հայտնել էինք, որ Հայաստանի կրթության, գիտության, մշակույթի և սպորտի նախարարության ու Հայաստանի «Առաջատար տեխնոլոգիաների ձեռնարկությունների միության» (UATE) միջև սկանդալ է հասունացել` «Արմաթ» ինժեներական լաբորատորիաների թեմայով:

«Լրատվական» ռադիոյի եթերում ԱՏՁՄ-ի գործադիր տնօրենը հայտարարել էր, որ ԿԳՄՍ–ն դադարեցրել է «Արմաթ» ինժեներական լաբորատորիաների ֆինանսավորումը:

թեմա:
Sputnik զրույց (180)

Ըստ թեմայի

«Իմ ղեկավարած կառույցում նպատակային սաբոտաժ չկա». Էդուարդ Աղաջանյան
Ճաղարյան. «Արթուր Վանեցյանի դեմ իրականացրած սաբոտաժի հետևում ՀՖՖ գլխավոր քարտուղարն է»
Արտակ Զեյնալյանի վրա ճնշում է գործադրվել «Իմ քայլը» խմբակցությունից. «Ժամանակ»
ՀՀ իշխանությունների` սաբոտաժի մասին խոսակցությունները վանում են ներդրողներին. քաղտեխնոլոգ
թեգերը:
Արայիկ Հարությունյան, դպրոց, Կրթության, գիտության, մշակույթի և սպորտի նախարարություն (ԿԳՄՍ), Կարեն Վարդանյան, լաբորատորիա, Հայաստան

Այլ տեսանյութեր

Գլխավոր թեմաներ