09:06 20 փետրվարի 2020
Ուղիղ եթեր
  • USD478.63
  • GBP622.51
  • EUR517.06
  • RUB7.53
Տեսանյութեր

«Հայաստանի փոքրիկ երգիչների» շենքի առնչությամբ ԿԳՄՍՆ–ի գործառույթն ավարտված է». Հովսեփյան

Ստանալ կարճ հղումը
100 0 0

ԿԳՄՍ նախարարությունում ակտիվ քննարկումներ են եղել «Հայաստանի փոքրիկ երգիչների» շենքի ամրացման հարցում բոլորի համար ընդունելի տարբերակ գտնելու նպատակով։

Կրթության, գիտության, մշակույթի և սպորտի նախարարի խորհրդական Արթուր Հովսեփյանը վստահեցնում է, որ նախարարության լիազորությունների շրջանակում արվել է հնարավորը` «Հայաստանի փոքրիկ երգիչների»` Արամի 23 հասցեում գտնվող շենքի ամրացման ու նորոգման հարցը լուծելու համար։

«ԿԳՄՍ նախարարությունում ակտիվ քննարկումներ են եղել «Ամուր քնսթրաքշնի», «Օլդ սիթի» ընկերությունների և նախարարության ներկայացուցիչների միջև, որպեսզի կարողանանք գտնել բոլորի համար ընդունելի լուծում առ այն, թե ինչպես պետք է առավելագույնս ամրակայել շենքը, և որքան այն կարժենա»,-մանրամասնում է ԿԳՄՍ նախարարի խորհրդականը։

Նրա խոսքով` քննարկումների արդյունքում հիմք է ընդունվել իտալացի մասնագետների նախագիծը։

«Այդքանով Արամի 23 հասցեում գտնվող «Հայաստանի փոքրիկ երգիչների» շենքի առնչությամբ ԿԳՄՍ նախարարության գործառույթները, գոնե այս պահին, ավարտված են»,-փաստում է նախարարի խորհրդական Արթուր Հովսեփյանը։

Անդունդի եզրին. Երևանի Արամի 23 հասցեի մշակութային հուշարձան շենքը փլուզվում է

Ինչ վերաբերում է Տիգրան Հեքեյանի հետ քննարկումներին, Հովսեփյանի խոսքով, գոնե վերջին մի քանի օրերին նախարարության ներկայացուցիչներն ու Հեքեքյանի միջև հանդիպում չի եղել։

Օրերս լրագրողների հետ հանդիպման ժամանակ «Հայաստանի փոքրիկ երգիչներ» երգչախմբի ղեկավար Տիգրան Հեքեյանը հայտարարել էր, որ պատրաստ է իրենց շենքի հարցով գնալ մինչև Եվրադատարան։

Հիշեցնենք, 2019 թվականի հունվարի 11-ին փլուզվել էր «Հայաստանի փոքրիկ երգիչներ» երգչախմբի` Արամի 23 հասցեում գտնվող շենքի պատը։

Արամի 23. ի՞նչ վիճակ է փլուզված պատով պատմամշակութային հուշարձան շենքի ներսում

Ըստ թեմայի

Փլուզվել է «Հայաստանի փոքրիկ երգիչներ» երգչախմբի շենքի պատը. լուսանկարներ
Ո՞ւմ էր ձեռնտու «Հայաստանի փոքրիկ երգիչների» շենքի փլուզումը. Հեքեքյանը կդիմի դատարան
Փլուզման հետ կապված խնդիրը դեռ լուծված չէ . Փոքրիկ երգիչները մնացել են առանց շենքի
«Հայաստանի փոքրիկ երգիչների» պատմական շենքի ճակատագիրը որոշվեց
թեգերը:
տեսանյութ, Կրթության, գիտության, մշակույթի և սպորտի նախարարություն (ԿԳՄՍ), շենք, «Հայաստանի փոքրիկ երգիչներ» երգչախումբ, Արամի 23 շենք

Այլ տեսանյութեր

Գլխավոր թեմաներ