04:32 29 փետրվարի 2020
Ուղիղ եթեր
  • USD478.60
  • GBP617.68
  • EUR528.57
  • RUB7.09
Տեսանյութեր

Ինչպես հասան հաղթանակի. հայ ըմբիշները պատմել են գոտեմարտերի մասին. տեսանյութ

Ստանալ կարճ հղումը
19920
© Sputnik / Hasmik Grigoryan

Հունահռոմեական ոճի ըմբշամարտի Եվրոպայի առաջնությունում մեր մարզիկները բավականին լավ արդյունքներ գրանցեցին` հայրենիք բերելով 4 մեդալ` 2 ոսկե և 2 բրոնզե։ Լրագրողների հետ զրույցում նրանք պատմել են իրենց զգացողությունների մասին։

Հռոմում գտնվող Հայաստանի ըմբշամարտի հավաքականի մարզիկներն ու մարզիչները լավ տրամադրություն ունեն։ Արդյունքներից գոհ են, հատկապես, որ կարողացել են հաղթանակ տանել նաև Ադրբեջանն ու Թուրքիան ներկայացնող մարզիկների նկատմամբ։ Եվրոպայի չեմպիոն, ոսկե մեդալակիր Գևորգ Ղարիբյանը լրագրողների հետ զրույցում ասում է, որ չնայած վնասվածքներին, կարողացել է հասնել հաղթանակի։ Իր լավ մարզավիճակի և թիմում լավ մթնոլորտի համար նա շնորհակալություն է հայտնում հավաքականի մարզիչներին։ Գևորգը նշում է, որ շատ էր տրամադրվել ադրբեջանցուն հաղթելու համար, որովհետև նրան հաղթելը մեծ պատիվ էր իր համար։

«Մրցումներին բոլորին հաղթում էի, բայց վերջին վայրկյանին պարտվում էի, վիրահատություն էի տարել, մեր մարզիչների շնորհիվ հասա հաղթանակի»,–Sputnik Արմենիայի թղթակցի հետ զրույցում իր ուրախությունն է արտահայտում Գևորգը։

Նրա կողքին կանգնած Եվրոպայի հնգակի չեմպիոն Արթուր Ալեքսանյանը հավելում է, որ Գևորգի հաղթանակի համար ավելի ուրախ է, քան իր։

«Եվրոպայի առաջնությունը շատ կարևոր է և ուրախ եմ, որ դարձա Եվրոպայի հնգակի չեմպիոն։ Ես գիտեմ՝ ինչ խնդիրներ են դրված իմ առջև, և ամեն ինչ անելու եմ այդ ամենին հասնելու համար։ Հռոմում գոտեմարտում էի Իտալիայի ներկայացուցչի հետ, բայց մեր հայերի շնորհիվ այնքան ինքնավստահ էի, որ ոնց որ Հայաստանում գոտեմարտեի Իտալիայի ներկայացուցչի հետ»,–Sputnik Արմենիայի թղթակցի հետ զրույցում ասում է չեմպիոնը` «Սպիտակ արջը»։

Բրոնզե մեդալակիր Կարեն Ասլանյանը նշում է, որ այս անգամ շատ մոտ էր հաղթանակին` ոսկին շահելուն։ Նա հույս ունի, որ մյուս անգամ կստացվի ոսկին բերել Հայաստան։

Արթուր Ալեքսանյանը ոսկե մեդալ վաստակեց և դարձավ Եվրոպայի հնգակի չեմպիոն

Հիշեցնենք, որ Հռոմում կայացած Հունահռոմեական ոճի ըմբշամարտի Եվրոպայի առաջնությունում մեր ըմբիշներ Արթուր Ալեքսանյանն ու Գևորգ Ղարիբյանը վաստակեցին ոսկե մեդալ և դարձան Եվրոպայի չեմպիոններ, իսկ Կարեն Ասլանյանն ու Կարապետ Չալյանը դարձան բրոնզե մեդալակիրներ։

Ըստ թեմայի

Չեմպիոնի որդին չեմպիոն դարձավ. Էդմոնդ Նազարյանը ոսկի նվաճեց Եվրոպայի առաջնությունում
Կարապետ Չալյանը Եվրոպայի առաջնության մեդալակիր է
Կարեն Ասլանյանը Եվրոպայի առաջնության բրոնզե մեդալակիր է
թեգերը:
հաղթանակ, մեդալ, չեմպիոն, Կարեն Ասլանյան, Գևորգ Ղարիբյան, Արթուր Ալեքսանյան, Եվրոպայի ըմբշամարտի առաջնության, ըմբշամարտիկ

Այլ տեսանյութեր

Գլխավոր թեմաներ