Կրթության հարցերով փորձագետ Սերոբ Խաչատրյանը կարծում է, որ ԿԳՄՍ նախարարության նախաձեռնած բարեփոխումների քայլը դրական է, բայց որպեսզի ծրագիրը նորմալ իրականացվի, մանկապարտեզները պետք է ունենան համապատասխան հաստիքներ։
«Եթե որակի հարց է դրվում, բայց մանկավարժներին չեն աջակցում, նորից կառաջանան խնդիրներ։ Նախադպրոցական կրթության վրա չպետք է ափսոսալ։ Ըստ նրա` եթե մի քանի միլիարդ դրամ կարողանում ենք հատկացնել հանրաքվեի ու նմանատիպ գործընթացների համար, ապա ինչու չենք կարող նույն կերպ ներդրում կատարել մեր երեխաների ապագայի համար»,– ասաց նա։
Խաչատրյան. «Նախադպրոցական հաստատություններում «յոլա» տանելու ռեժիմ է»
Սերոբ Խաչատրյանի կարծիքով` եթե ուզում ենք 10-20 տարի հետո լավ տնտեսություն ունենալ, մանկապարտեզներևի վրա պետք է անպայման ներդրում անենք, մինչդեռ նախադպրոցական կրթության առումով այն, ինչ ունենք այսօր, յոլա տանելու ռեժիմ է` ցածր վարձատրվող աշխատանք, որը մարդիկ անում են նվիրումով, իսկ ոմանք էլ տանից դուրս գալու համար։ Ունենք պրոֆեսիոնալիզմի պակաս, իսկ համակարգն էլ չի աջակցում մարդկանց։
«Եթե ամեն օր դասեր են տեղի ունենում, դեռ չի նշանակում, որ ունենք համակարգ». Խաչատրյան
Նշենք, որ կառավարությունը հավանություն է տվել ՀՀ կրթության, գիտության, մշակույթի և սպորտի նախարարության ներկայացրած՝ «Նախադպրոցական կրթության մասին» ՀՀ օրենքում փոփոխություն կատարելու մասին առաջարկությանը:
